PoliticaFeatured

Minister Dangui Oduber: Contento cu trabounan di Minister Oduber a mira continuacion

Pic Fundacionhunto.1

 Diaranson mainta tabata un dia hopi importante pa e comunidad di Aruba caminda a pone e prome piedra pa e Fundacion Hunto. E centro aki ta bay duna cuido na personanan cu tin problema cu salud mental, esaki ta conta pa nos adictonan ambulante tambe. Minister Oduber tabata esun cu a cuminsa cu e idea pa añadi cuido di personanan cu tin adiccion hunto cu personanan cu cuido mental bou di un solo dak. 

Na luna di mei di aña 2019 a nombra un hunta di supervision nobo pa Fundacion Maneho di Adiccion Aruba (FMAA). Na luna di oktober di aña 2020 a logra firma un MOU entre FMAA y SPD cu e intencion pa uni esakinan hunto. Gabinete Wever Croes semper a duna importancia pa e ser humano ta central pesey a kere den e proyecto aki pa un miho Aruba. 

E fundacion aki ta bay yuda hopi famianan cu tin persona cu ta sufri di salud mental. Lo yuda nan rehabilita pa asina reintegranan bek den nos sociedad. Cada un di e personanan aki una bes nan ta mas miho ta bay contribui bek na Aruba su economia. E trabounan no tabata facil, mester a convence diferente stakeholders pa por logra esaki.

Minister Oduber a bisa danki y pabien na Minister Rocco Tjon cu a continua y finalisa e proyecto importante aki. Esaki ta e prome infrastructura nobo den 25 aña cu ta bay pa trata specialmente nos adictonan ambulante. Un danki tambe na e Social Crisis Plan cu tambe a yuda den esaki. Danki na SPD, FMAA, DVG, FADA, HAVA, Respaldo, e stuurgroep GGZ y tur stakeholders pa kere den e proyecto y haci esaki un realidad. Esaki ta un bunita ehempel di e frase gobernacion ta continuacion. Trahando hunto pa Aruba.

Pic Fundacionhunto.2

Related posts

Partido curpa ta firmemente pro famia y contra matrimonio di mesun sexo

EA News Author

Den un razzia Project Team Drugspanden a confisca basta droga a detene persona

EA News Author

Mas di 90 % adicto a cuminsa cu marihuana y despues a pasa over pa otro substancianan cu te dia di awe nan ta sufri di dje

EA News Author

Leave a Comment

Whatsapp Message