Na e mes un momento minister Gerlien Croes ta indica cu pa situacion di deporte general, Aruba tin un caminda pa cana. Antes deporte tabata mira como un hobby pero poco poco ta mira cu deporte ta un parti esencial den desaroyo di un serhumano y ta mira tambe cu deportenan a bin ta crece y tin hopi talento. Sinembargo lamentablemente e veld di deporte ta hopi dividi y e parti organisatorio mester wordo hopi mas miho structura. E realidad ta cu tin diferente fundacionnan cu ta atende cu diferente fondonan di deporte y cu ta atende cu facilidadnan di deporte.No ta desconoci cu tin retonan grandi cu tin na caminda y cu mester traha riba nan. Minister Gerlien Croes ta indica cu nos mester por structura deporte miho na Aruba unda cu e fondonan mester por yega na e deportista cu ta e destino y meta cu e ta traha pe, pero lamentablemente awor aki esaki no ta e caso.