Miembro di parlamento pa fraccion di Movemento Futuro Corsou ( MFK) , David Seferina a tuma nota cu dia pa dia prijs nan di comestibel ta subiendo drasticamente y cu ta birando casi imposibel pa pueblo por sigui carga cu esaki.
Fraccion di MFK a tuma nota tambe cu Minister encarga cu Ministerio Desaroyo Economico Minister Cijntje ta canando un trayecto caminda lo bay introduci e macutu basico “smart kart” cu lo bay keda uza pa comestibel i productonan di prome necesidad na esunnan di menos recurso locual ta di aplaudi. Suscrito a bin compronde di Minister Cijntje cu e lo bay laga haci investigacion riba preis di benta di pesca pa asina pueblo di Corsou tambe por paga un prijs husto y pagabel pa kilo di pesca.
P’esei pa medio di e carta aki i haciendo uzo di articulo 96 di Reglamento di orden di Parlamento, suscrito kier haci e siguiente preguntanan na Minister di Desaroyo Economico señor Ruisandro Cijntje
Pa ki tempo minister Cijnte ta ferwagt e macutu basico “smart kart” lo keda introduci? Ta ken ta bay keda encarga cu investigacionnan riba prijs di benta di pesca?
Por garantisa e calidad di comestibel i con ta bay garantisa esaki? Ken ta bay keda responsabel pa calidad di comestibel? Lo bay bin un of otro instancia pa e consumido por haci reclamo riba calidad di producto?
Por duna e cliente siguransa cu e calidad di comestibel ta aceptabel y un prijs husto y pagabel?
ki punto di salida minister tin pa prijs “range” pa kilo di pisca cu minister kier bay laga haci un investigacion riba prijs di pisca. Recordando bo persona na e obligacion den nos areglo di estado pa duna miembronan di parlamento tur informacion rekeri i na e obligacion den e protocol firma entre parlamento y gobierno pa duna e informacion aki no mas tarda cu denter di (2) luna, fraccion di MFK ta keda en espera di bo contesta.