Minister di Husticia Arthur Dowers tabata di biahe pa Hulanda y a reuni cu diferente departamentonan di e aspecto di Husticia. E mandatario ta indica cu despues di 8 aña pafo di gobierno ta bek , pero e bon ta cu tin bon relacion estrecho cu diferente departamento na Hulanda hunto cu Pais Aruba unda cu tin diferente colaboracion di trabou cu diferente organisacion Hulandes.
Un di e ehempelnan ta Masseuse cu ta na Aruba for di basta tempo caba segun minister Arthur Dowers. Tin un cooperacion mas dirigi den operacion unda cu ta duna trainingnan y sosotene e departamentonan unda cu mester upgrate y esaki por mira cu den varios departamento esaki a wordo amplia unda cu ta mira cu tin mas Masseuse. Den pasado Minister di Husticia a yega di bishita e departamento di Masseuse na Hulanda caba y a haya varios informacion con nan ta traha y awor ta haci esaki un biaha mas debi cu ta kere cu mester mantene e contactonan bon, pero tambe mester sa te ki tempo por conta cu nan ayudo y cuanto por conta cu nan.
Minister di Husticia Aryhur Dowers ta indica cu despues di 10-10-10 cu Hulanda a bini hopi mas cerca di nos islanan unda cu Boneiro, Saba y St Eustatius a bira parti di teritorio Hulandes legal hulanda ta hopi mas cerca di e islanan y ta mira y sinti e necesidadnan di e islanan den region. Tambe por a tuma nota cu e accesibilidad di Hulanda ta den cierto areanan cooperando cu e islanan. Sinembargo na momento cu tin un cooperacion mester tin un claridad tambe ken ta responsabel pa kico debi cu na final di dia na momento cu bo tin un responsabilidad unda cu un otro identidad ta traha den bo teritorio ta nifica cu na final di dia abo como minister ta esun responsabel. Banda di tur cos e parti aki ta canando bon tur cos ta na ordo y nos hende nan mes ta dispuesto pa haya e ayudo.
Tambe a bishita Nacionale Politie esaki ta debi cu semper tin nu laso cu nan y tin un relashon di trabou cu nan basta largo. Polisnan ta traha di tempo cu a lanta RST unda cu e intencion e tempo aya ta pa bringa e crimennan organisa cu tabata azota y saliendo for di nos teritorionan y ta yega sierto areanan na Hulanda na e stad nan mas grandi manera Roterdam,Amsterdam unda cu ta bay pasa boleta ect ect y ta necesario pa bringa e crimen organisa aki. Pa e motibonan aki a crea RST y RST ta presente na Aruba.