Resientemente Shalten Hato, Minister di Hustisia di Kòrsou, a bishitá Boneiru ku un delegashon i na e okashon akí el a bishitá tambe gezaghèber interino remplasante Ingrid Sealy i hefe di gabinete Machteld Klaassen. Nan tabatin un kòmbersashon tokante diferente asuntu ku ta hunga un ròl riba tereno di habitabilidat i siguridat. A bini dilanti por ehèmpel ku tur dos isla ta konfrontando uso peligroso di kaminda, debí na entre otro uso di alkohòl den tráfiko. Na ambos isla ponementu di fever tambe ta un problema. Mas aleu e kòmbersashon a bai tokante tenshonnan den komunidat i bista riba hende ku ta permanesé den forma ilegal na e islanan. A palabrá ku mas interkambio di konosementu lo tuma lugá tokante e tópikonan akí, pa di e manera ei siña di otro su eksperensianan.
E delegashon for di Kòrsou a konsistí di Minister di Hustisia Shalten Hato, Hefe di Kuerpo Polisial Raymond Ellis, konsehero di Kolegio di Hefenan di Kuerpo Polisial, Mauricio Sambo i Komandante di Kuerpo di Bombero Jair Tromp.