Minister di Salud, Bienestar y Deporte Ernst Kuipers: Conseho di Salud a conseha un rondo nobo di vacunacion pa grupo di riesgo halto y trahadonan di cuido medico

Riba 28 di juni 2023, e Conseho di Salubridad na Hulanda a publica e rapport di conseho ‘Programa di vacunacion structural contra COVID-19’. Den e carta a contesta e conseho y a splica e decision pa haci un vacunacion ripiti contra COVID-19 disponibel pa gruponan di meta specifico . E carta ta di Minister di Salud, Bienestar y Deporte Ernst Kuipers a manda e carta pa Presidente di e Camara di Representante di e Estadonan General den cuminsamento di juni 2023

Segun e carta riba 15 di februari 2022, a pidi e Conseho di Salud pa duna conseho riba e strategia di vacunacion di termino mediano, cu atencion na e proposito y necesidad di un programa di vacunacion structural, e beneficionan pa salud cu por wordo logra, e tipo di vacunacion cu ta cualifica y e relaciona cu otro programanan di vacunacion. Riba 25 di maart 2022, e Conseho di Salubridad a emiti un rapport di conseho riba e strategia di vacunacion pa e periodo te cu zomer di 2023. A base di e rapport di asesoramento aki y e marco di aplicacion pa vacunacion di COVID-19, OMT-V por a duna conseho den zomer di 2022 y primavera di 2023 riba vacunacion di ripiticion cu e vacuna di COVID-19 bivalente y actualisa. E conseho nobo di e Conseho di Salubridad, cu a wordo publica dia 28 di juni, ta trata di un programa di vacunacion structural contra COVID-19.

Den e informe di conseho, Conseho di Salubridad ta declara cu e carga di malesa causa pa e coronavirus ta mas abou cu den e prome añanan di e pandemia. Pasobra ta spera cu e virus lo sigui circula y cu e inmunidad lo baha cu tempo, e Conseho di Salud ta recomenda pa ofrece un vacunacion di reforsa anual na e siguiente gruponan di riesgo

• Personanan di 60 aña of mas;
• Adulto y mucha for di gruponan medico di riesgo halto (por ehempel personanan cu un desorden inmunologico severo);
• Adulto for di grupo di riesgo medico cu ta ricibi un invitacion anual pa e vacuna contra griep.

E meta di esaki ta pa mantene proteccion contra malesa serio y morto den caso di un infeccion di COVID-19 y asina preveni hospitalisacion y morto pa COVID-19. E conseho di Salubridad ta spera cu e beneficionan di salud di mas grandi por wordo logra di e manera aki pa e personanan cu tin e riesgo mas halto di un curso serio di COVID-19. E Conseho di Salubridad tambe ta recomenda pa duna e trahadonan di cuido cu ta den contacto directo cu e pashentnan un vacunacion anual contra COVID-19. Esaki por duna un contribucion indirecto na proteccion di pashentnan vulnerabel.

Tambe e rapport ta indica riba oferta di vacunacion pa hende muhe na estado,Ademas di e vacunacion anual pa e gruponan ariba menciona, e Conseho di Salud ta recomenda tambe pa continua cu e oferta di vacunacion pa hende muhe na estado. Un infeccion cu e virus di corona por conduci na complicacion durante embaraso. Vacunacion ta reduci e riesgo di un curso serio di COVID-19 y e riesgo di parto prematuro.

Populacion general y espacio pa personalizashon
E Conseho di Salubridad no ta considera re-vacsinasion necesario pa e poblacion en general, pasobra e poblacion bou di 60 aña di edad tin un grado halto di inmunidad (hibrido) (e combinacion di un infeccion y vacunacion anterior), loke ta nifica cu re-vacsinasion ta contribui relativamente poco na proteccion adicional contra malesa serio. E conseho di Salubridad ta declara cu mester tin luga pa ofrece vacunacion ripiti riba base individual na personanan cu no ta pertenece na e gruponan meta specifico, por ehempel si tin un miembro di famia vulnerabel.

E Conseho di Salud ta recomenda pa uza un vacuna di mRNA pa e proximo outono, cu consideracion di recomendacionnan di OMS, ECDC y EMA. Pasobra variantenan di virus ta sigui otro lihe, e Conseho ta enfatisa e importancia di uza e vacunanan mas recien. E Conseho di Salud a indica cu e no tin ningun obhecion pa e vacunacion contra COVID-19 cu e vacunacion contra griep y pneumococcal.

Tanto pa e serie basico como pa e vacunacion di ripiticion, e conseho di salud ta recomenda pa uza un dosis di un vacuna di mRNA tur aña, pasobra casi tur hende a acumula inmunidad door di vacunacion, infeccion of un combinacion di esakinan. Conseho di Salud ta spera cu un dosis di vacuna lo conduci na suficiente inmunidad (hibrido). Un serie basico cu varios inyeccion ainda ta deseabel den algun caso individual, por ehempel pa pashentnan despues di un transplante di celulanan stem, of pa muchanan di un grupo medico di riesgo halto cu no ta spera di a haya un infeccion of cu no a wordo vacuna anteriormente. E conseho ta recomenda un intervalo di 6 luna entre e ultimo vacunacion of infeccion cu COVID-19 (si ta conoci).

E conseho di re-vacsinasion y evaluacion anual ta duna di conoce cu e conseho di Salud a desaroya diferente scenario cu por yuda prepara un programa di vacunacion anual. Den bista di e incertidumbre rond di e desaroyo di e coronavirus, Conseho di Salubridad ta evalua e programa di vacunacion tur aña, cu consideracion di e situacion epidemiológico actual, e consehonan actual y recomendacionnan tocante di actualisacion di e composicion di vacunacion contra COVID-19.

Decision
Minister di Salud, Bienestar y Deporte Ernst Kuipers ta gradici y tin palabra di aprecio pa e trabou cu e Conseho di Salubridad a haci y ta impresiona cu e manera cu e Conseho di Salubridad a yega na un conseho cu ta considera cu cuidou y cu ta mira dilanti, apesar di e incertidumbre tocante e curso di COVID-19. Siguiendo e conseho, Minister di Salud, Bienestar y Deporte Ernst Kuipers a dicidi di organisa un rondo nobo di vacunacion pa gruponan di riesgo halto y trahadonan di cuido medico den outono di 2023.

E motibo principal ta cu e virus di corona ainda ta causa malesanan y hospitalisacion entre e gruponan di riesgo halto. E ronde di vacunacion nobo aki tin como meta pa restaura e inmunidad di e gruponan di riesgo. Trahadonan di cuido di salud tambe lo haña e oportunidad pa haña un vacunacion nobo, ya cu esaki por contribui indirectamente na proteha pashentnan contra hospitalisacion of morto pa motibo di COVID-19. Pa algun grupo, manera hende muhe na estado y gruponan di riesgo medico halto, nan mester por bay pa un vacunacion ripiti durante henter aña.

Na mes momneto pa e Implementacion di e ronda di outono y escoho di vacuna a pidi RIVM y GGD GHOR Hulanda pa prepara pa implementa e ronde di vacunacion nobo aki y pa inclui e lesnan siña for di e campañanan anterior. E mesun maneho cu na Hulanda ta aplica na Hulanda Caribense (Bonaire, Sint Eustatius, Saba) y e paisnan den Reino (Curaçao, Aruba, Sint Maarten).

E meta ta pa uza vacuna di mRNA cu a adapta na e variante XBB di e coronavirus den e ronda di outono. Esaki ta di acuerdo cu e recomendacionnan di entre otro e Organisacion Mundial di Salubridad (WHO). E fabricante di vacuna BioNTech/Pfizer tin intencion di entrega un peticion di registracion pa un vacuna di XBB.1.5 mRNA monovalente pa tur grupo di edad na e European Medicines Agency (EMA). E EMA ta spera di emiti un evaluacion di e vacuna aki den futuro cerca. Dependiendo di e entrega di e vacunanan y e tempo di preparacion necesario na e GGD, tambe a haci peticion y a puntra pa un fecha di cuminsamento den october segun Minister di Salud, Bienestar y Deporte Ernst Kuipers.

Si den e simannan binidero sali na cla cu e vacunanan nobo di XBB no ta disponibel na tempo, lo mi pidi OMT Vaccinations conseho adicional riba e escoho final di e vacuna. Mesora cu tin mas informacion tocante e disponibilidad di e vacunanan nobo y e plan di implementacion, lo informa e Asamblea di esaki.

Na momento di elabora e plannan di implementacion, tambe ta duna atencion na un enfoke di comunicacion enfoca riba e grupo di meta pa personanan cu no ta yega na nan cu comunicacion general, manera personanan cu no ta papiador nativo di e idioma y personanan cu un alfabetismo abou. Vacunacion basico contra COVID-19 na un dosis y un vacuna Segun Minister di Salud, Bienestar y Deporte Ernst Kuipers manera a indica anteriormente den e carta, segun e Conseho di Salubridad, un dosis di vacuna tanto pa e vacunacion basico como pa e vacunacion di reforsa ta ofrece proteccion suficiente.

A base di e conseho aki y declaracionnan anterior di EMA, ta scoge pa uza e vacuna bivalente BA cu a cuminsa uza dor di prome di juli 2023. Ademas, ainda tin suficiente vacuna di mRNA monovalente den dosis pa mucha bou di 12 aña di edad. Pa personanan cu no ke of no por ricibi un vacuna di mRNA, semper lo tin un opcion pa ricibi un vacuna di proteina.Tambe lo ta bay tin un programa di vacunacion structural di COVID-19 pa e rondo nobo di vacuna. Foto: Marijn Beekman.