Local

Minister Endy Croes: Pronto FLPD ta den control bek di loteria Arubano y nos deportistanan ta bay mira fruto di esaki

Flpd 1

Recientemente, Minister Endy Croes a reuni cu Fundacion Lotto pa Deporte y su conseheronan. Durante e reunion a duna un “update” di FLPD, despues cu a firma e ultimo contract cu Canadian Bank Note (CBN), unda cu FLPD desde aña 2023 lo ta den control bek di loteria su operacion. Den cuadro di esaki, tin diferente aspecto cu mester tuma luga den e lunanan nos dilanti pa e maneho di Lotto pa Deporte por ta den man bek di Aruba, entre otro, documento cu mester pasa via notario, cambio cu mester trece den statuut y asuntonan di banco cu mester aregla. Pues, tin diferente parti cu mester aregla huridacamente ainda y e proceso aki lo tuma algun luna. A presenta un plan di ehecucion na Minister Endy Croes con ta bay atende cu esaki den e promixo lunanan y tambe duna un calculacion di cuanto tempo e proceso aki ta bay dura. Locual tambe ta di vital importancia ta Jaarrekening 2020 y 2021 cu mester ta cla pa tur e procesonan aki di banco, notario, etcetera, por tuma luga. Un reunion basta largo cu informacion concreto, basa riba e contract cu a firma, unda cu desde aña 2023 en bes cu CBN cobra un “management fee” di 23.5%, ta bay cobra solamente 8.25%. Pues, pronto FLPD por ta den control bek di loteria Arubano y pronto deporte di Aruba y nos deportistanan ta bay mira fruto di esaki. 

Related posts

Minister Geoffrey Wever: Di dos grupo a ricibi certificado pa curso Finansas den mi hogar

EA News Author

Minister Ursell Arends: Na e etapa cu nos ta aworaki como isla, aruba mester di nos tur

EA News Author

937 persona den bijstand a ricibi ayudo financiero extra pa aña escolar 2021/2022

EA News Author

Leave a Comment

Whatsapp Message