Elaine Caminata, Minister Hubenil di Derecho di Mucha y Labor a organisa un actividad den conexion pa Dia di derecho di mucha y hoben. E celebracion oficial di Derecho di Mucha ta dia 20 di november proximo , pero parlamento Hubenil kier a pone un extra atencion riba e parti aki y manda un mensahe pa e hobennan.
Parlamento Hubenil a focus riba e articulo 12 cu e tratado di derecho di mucha ta papia riba e voz di e hoben. Segun minister hubenil Elaine Caminata tur mucha tin un voz y kier pa e hobennan por expresa esaki libremente.
Sinembargo na mes momento ta kere cu Pais Aruba den e area aki ta haci hopi bon. Como minister Hubenil di Asuntonan Social y Labor lo traha duro e aña aki pa conscientisa y asina e hoben sa su derecho y e tin un voz, na final di aña lo traha un reportahe y entrega pa asina tin un bista kico tur ta e trabounan cu a wordo haci pa conscientisa e hobennan cu nan tin un voz.
Jeven Albertus tambe ta un hoben cu tabata presente na e atardi bunita di celebracion di derecho di mucha y ta indica cu Derecho di mucha ta cu hende nan mester trata hobennan cu amor, trata nan cu respet, yuda cu les di scol, muchanan tin derecho di biba den un cas, nan tin derecho di bay scol y nan tin derecho di haci tur cos. Segun Jeven Albertus falta mas apoyo paso no ta tur hende ta duna nan yiu amor y na scol no mester tenta mucha, juffrouwnan mester duna e muchanan amor siña nan cu cariño.
Jazenne Albertus ta kere cu mester pone mas atencion riba e 10 puntonan di derecho di mucha, ta kere cu mama cu tata cu ta Sali hopi y laga nan yiunan nan so na cas of ta laga welo cu wela wak pa e muchanan no ta tur ora ta bon, pero nan mes como mayor mester ta mas rond di e m muchanan y pone mas ambiente y actividad pa e muchanan y un dushi sfeer pa e muchanan.