LocalFeatured

Minister Rocco Tjon: IOM y CMMA a presenta nan standard operation procedure den cuadro di asistencia y proteccion na victimanan di traficacion di hende

Minister Rocco Tjon 1

E siman aki, Minister di Husticia y Asuntonan Social sr. Rocco Tjon, a ricibi un presentacion di parti di International Organization for Migration (IOM) y Coordination Center on Human Trafficking and Migrant Smuggling Aruba (CMMA) den cuadro di e Standard Operating Procedure (SOP) pa loke ta asistencia y proteccion na victimanan di traficacion di hende. Un tremendo presentacion di e SOP cu a wordo haci, di cual pronto lo bay sigui amplia riba esaki. 

Aruba ta inverti hopi den combatimento di traficacion y contrabanda di hende, den cuadro di esaki, IOM y CMMA a conduci un proyecto pa traha e SOP pa asina identifica, screen, proteha, asisti y percura cu victimanan di traficacion di hende por regresa nan pais bon bek. Pa yega na esaki a papia cu tur stakeholders di e cadena hudicial pero tambe di otro sectornan. For di Ministerio di Husticia y Asuntonan Social, a conta cu asistencia di diferente departamentonan entre otro KPA, Bureau Slachtofferhulp, CMMA, OM, Inmigracion, Directie Sociale Zaken, Guarda Nos Costa y NGO’s. Banda di esaki, a conta tambe cu asistencia di diferente deperatmanento cu ta cay bou di entre otro Ministerio di Labor, Integracion y Energia, Minsterio di Salubridad Publico, Ministerio di Asuntonan General, Kustwacht, Koninklijke marechaussee, NGO’s y Organisacionnan Internacional, pues tur a asisti pa yega na e SOP aki. 

E intencion ta, cu pa e resto di aña lo bay tin un plan di implementacion pa e diferente fasenan di e SOP, pa di e forma ey tur organisacion y nan personal por ta bon informa di esaki, y asina nan por asisti y proteha e victimanan di traficacion di hende mucho mas miho. Di e forma aki por bisa cu tin mucho mas informacion disponibel, pues e ruta di referencia ta hopi mas conoci awo pa loke ta cua organisacion ta encarga cu cua trabou. 

Por ultimo, e Mandatario a indica cu e ta sumamente satisfecho cu e paso cu a wordo tuma caba, y ta sostene ambos IOM y CMMA pa asina amplia riba e proyecto aki pa asina involucra demas departamentonan cu por yuda preveni y combati e fenomeno aki. 

Iom Y Cmma A Presenta Nan Standard Operation Procedure Den Cuadro Di Asistencia Y Proteccion Na Victimanan Di Traficacion Di Hende.1Iom Y Cmma A Presenta Nan Standard Operation Procedure Den Cuadro Di Asistencia Y Proteccion Na Victimanan Di Traficacion Di HendeIom Y Cmma A Presenta Nan Standard Operation Procedure Den Cuadro Di Asistencia Y Proteccion Na Victimanan Di Traficacion Di Hende 1

Related posts

Dakota completo ban apoya boso team di futbol na stadion Guillermo Prospero Trinidad

EA News Author

Cft: “Omslag naar meerjarige overschotten hoogste prioriteit”

EA News Author

Parlamentario drs. Shailiny Tromp-Lee: Oposicion minoritario un biaha mas a demostra di no por para pa bienestar general di nan pais y nos hendenan

EA News Author

1 comment

Leave a Comment

Whatsapp Message