Diadomingo mainta Minister Xiomara Maduro tabata presente na Iglesia Piedra Plat pa hiba palabra na ocasion di e ceremonia pa honra sr. Bicento Henriquez di 97 aña como e Prome Pastor Evangelico Arubiano. Tabata un ceremonia bunita unda cu a conta di historia y tambe a duna testimonio di Pastor Bicento Henriquez. Minister Maduro den su discurso a gradici Pastor Bicento pa su guia spiritual na comunidad pa mas di 20 aña y tambe pa su contribucion grandi na lectura den e diferente buki y tractadonan na Papiamento. Na final di e discurso Minister Maduro a menciona un frase relevante den Bijbel cu nos por aplica pa nos tur, ‘Y no laga nos cansa di haci bon, pasobra na debido tempo nos lo cosecha, si nos ta persevera (Galatanan 6:9). Masha pabien na Pastor Bicento, su esposa Elizabeth, su yuinan y e famia grandi di Iglesia Piedra Plat. Durante e celebracion e mandatario a ricibi bendicion fo’i Pastor Adri Berg di Iglesia Piedra Plat, kende a ora pa asina Dios por duna nos como mandatario salud, forza y sabiduria pa haci e trabou cu Pueblo ta confia nos cune.
