Su Excelensia, Ministro Plenipotenshario di Sint Maarten, Drs. Gracita Arrindell, a uni cu socio den Reino y cu comunidad internacional pa conmemora e campaña anual di 16 Dia di Activismo contra violencia Basa riba Genero, establece pa Asamblea General di e Nashon Unii den 2000.
E campaña internacional aki ta yama tur hende pa confronta vlolencia den tur su forma, y pa reafirma nos compromiso colectivo pa un sociedad caminda cada hende ta sigur, aprecia y proteha.
E tema global pa e aña aki ta: “Uni pa a caba cu violencia digital contra tur muhe y mucha muhe.”
Espacio online y digital mester duna poder na muhe y mucha muhe. Pero, mundo digital a bira tambe un plataforma pa acoso, abuso y control. E 16 dia di activismo ta busca uni e comunidad global pa lucha pa un mundo caminda tecnologia ta un forsa pa igualdad, no pa daño.
E simbolo di e movecion global aki ta colo oranje: un colo briyante y yen di speransa cu ta representa un futuro liber di violencia.
“Na Hulanda, edificio y luga importante na tur e pais ta ilumina den oranje, transmitiendo un mensahe poderoso: violencia no tin luga den nos cas, nos comunidad of den nos Reino. E colo ta recorda nos cu consenshi mester bay hunto cu accion, compasion y solidaridad.
“Na tur Reino, incluso Sint Maarten, violencia domestico ta keda un asunto profundamente humano cu ta afecta tur tipo di persona, sin mira edad, genero, cultura of fondo. Ora nos ta para hunto durante e 16 dia y tur aña nos ta fortalece nos accion y e responsabilidad comparti.
“Na nomber di Kabinet di Ministro Plenipotenshario, mi ta expresa mi gratitud na tur organisacion, activista, partner di polis, cas di refugio, y lider di comunidad cu ta traha sin cansa pa garantisa siguridad y dignidad pa victimanan.
“Laga nos sigui papia, duna sosten na esunnan cu tin mester, y crea ambiente fisico y digital caminda respet y igualdad ta norma.
Hunto nos por construi un futuro liber di violencia y fortalece pa igualdad dignidad,” asina Excelencia Ministro Plenipotenshario Drs. Gracita Arrindell a indica.