Diadomingo 4 or di marduga, a sosode un caso hopi lamentabel na Winston Churchill weg, caminda a wak un mucha di 4 aña su so ariba caya. E mucha menor a wordo mira door di un chauffeur di un takkel-wagen net ora cu e tabata bay crusa caya, e bon samaritano di Eagle Towing a para su takkel-wagen y a yama autoridadnan pa hasi acto di presencia na e sitio.
Na yegada di polisnan a cuminsa buskeda pa e mayornan, a bin resulta cu mama di e angelito aki tabata trahando na e momentonan ey. E señora a informa polisnan cu su yiu a keda na encargo di e tata di e mucha, sin embargo e meneer a pone e mucha drumi y a dicidi di bay sali trip e diasabra anochi ey. A resulta cu e angelito tabata drumi na su cas, pero e la lanta den marduga y door cu no a haya niun hende na cas, e la habri porta y bay caya buscando su mayornan. Autoridadnan policial a duna ambos mayor un scual di kita sombre, cordandonan ariba nan responsabilidad nan como mayornan.
Winston Churchillweg ta un caretera hopi transita na e isla bisiña, cu ta corta pasa den Sta Maria, gracias a Dios e mucha a subi caya na un ora cu no tin hopi trafico, pasobra esaki por a trece consecuencianan menos agradabel pa tur esunnan envolvi.