Ta hopi ta e poemanan cu Lady Ruth ta skirbi
Varios di nan dedica tambe na Prensa di Aruba riba nan dia
Ta nos hendenan cu ta traha duro, pusha, primi, busca, puntra y fia
Pa saca e berdad di e dos bandanan di e informacion spierta of drumi
Pa informa pueblo correctamente y cu dedicacion sin cunsumi
Na nan trabao profeshonal diario di acumula e informacion pa laga digitalisa of imprimi
Ta hopi bunita pa lesa cu Aruba Bank ta brinda prensa na Aruba un dushi celebracion
Miembronan di prensa cu por, ta atende y acepta e momento special aki cu curason
E deseo di pueblo por ta, pa Prensa sigui cu nan bon trabao cu respet y sigui pensa
Prome cu publica fotonan di susesonan priva cu ta hasi dolor
Y no pone sensacion na prome lugar sin sa e datonan correcto
Pero tene na cuenta cu e por pasa cu un di nan mesun hendenan al respecto
E pensamento di berdad sasona cu gotanan di sinceridad, responsabilidad y honestidad
E sintimento di rabia, tristeza of alegria dorna cu inspiracion di humildad y felicidad
Awe riba Dia di Prensa, nos como pueblo tambe ta sigui scucha, lesa y pensa
Kico y con desea tur miembronan den Prensa un bunita recompensa
Un regalo, un bendicion di salud y mas sabiduria cada dia ?
Pa trese locual ta importante pa educa y re-educa tur famia ?
Danki di curason na Diario, E Arubiano News, Extra Bonaire y na Solo di pueblo
Especialmente pa nan bunita cooperacion den publicacion di nos relato
Bunita ta e feedback y comentarionan positivo regularmente ricibi
Pa nos manera simpel pero directo creativo cu amor y sincero di comparti
Un sonrisa ta aparece ariba nos cara y gradicimento ta yena nos curason
Pa tanto carino, tanto atencion cu pa nos sigur ta un gran y bunita bendicion
PABIEN AMIGONAN DEN PRENSA RIBA BOSO DIA
Cu un danki special na Nilton Lacle, Farrah Boekhoudt, Edmond Croes y Boi Antoine.
Alaves ta felicita Sr. Mike Eman, lider politico, cu su Happy Birthday !
Un “bear hug” di Ruthy”Lady Ruth” Vrieswijk-Bergen
1 di September 2024
