Riba 20-04 Forsanan Aéreo Real a ehersé su promé buelo eksitosamente ku e MQ-9 Reaper for di aeropuerto Hato na Kòrsou. E MQ-9 Reaper ta un (RPAS- Remotely Piloted Aircraft System) Sistema di Aeronave pilotiá riba distansha i ta keda kontrolá pa pilotonan desde un kabina (kòkpit) na tera. Ta di promé biaha ku un MQ-9 Hulandes a ehersé un vuelo di treinen.
Forsanan Aéreo spesialmente lo bai hasi ehersisionan i treinen pa sera konosí ku e aparato nobo, ku por rekompilá informashon den laria. E MQ-9 Reaper ta kai bou di Komandante di Forsanan Naval den Region Karibe i na su debido tempu tambe lo por keda desplegá na momentu di sosten na outoridatnan sivil òf pa detekshon i vigilansha. Parsialmente den esaki lo tin kolaborashon ku Estados Unidos, tal manera den operashonnan antidroga. E aeronave ta sirbi pa rekonosementu i ta desarmá. Si e treinen i instrukshonnan kana prospero, e MQ-9 Reaper lo por keda desplegá tambe na otro partinan na mundu.