Minister finansas Javies Silvana a entrega su retiro na gabinete di gobernador y na mes momento tambe parlamentario Tayron Boekhoudt tambe a entrega su retiro como parlamentario y minister di finansas lo tuma over y ta bay forma parti di fraccion di MFK den parlamento di Corsou.
Den e ultimo simannan e gobierno di Corsou tabata tambalia na momento cu director di Belastingdienst a vocifera iregularidad nan cu Minister di finansas Javies Silvana a keda tilda di dje. Na mes momento e politico a saca un video di informacion y ta indica cu e ta contento cu e informacion a Sali pa asian pueblo tambe haya sa e seriedad di e situacion. E politico tambe a vosifera cu lo e keda vosifera fuerte riba e situacion aki pa asina husticia prevalece na Corsou.
Na mes momento tambe e ta acepta cu e mester a reacciona di un otro manera mirando su posicion como minister di finansas y enfoca cu pa varios aña caba ta trahando duro pa mehora un sistema di cobransa di impuesto na Corsou. E politico ta expresa cu pa varios luna ta busca un contesta dicon e proceso no ta funciona debidamente pa Pais Corsou haya su entradanan manera debe ser y no laga casonan habri cu ta keda sin atende y no ta paga belasting y algun pagado di belasting ta ricibi trato preferencial y e homber chikito si ta keda atendi mesora. Pa ex minister di finansas Javier silvana esaki no ta aceptabel y no ta husto pa su comunidad.
Na mes momento Prome minister di Corsou Pik Pisas no a divulga nada na prensa , pero ta indica cu esaki ta un proceso cu mester tuma luga y no ta bay divulga nada, pero cu e ta un situacion interno di partido y cu e gobierno lo sigui normal.
E situacion ta un problema di partido y e partido tin un directiva y e directiva ta tuma un decision y e minister di finansas lo ta ausente y su carteranan lo wordo tuma over pa e minister cu ta waarnemend, esta Charles Cooper. Segun prome minister Pik Pisas actualmente tin un problema internamente cu mester busca un solucion pa esaki y pa haya un solucion e lo tuma su tempo y mester tin e pasenshi y e sabiduria pa por pasa door di e problema aki segun prome minister Pisas ta indica.
Como organisacion di MFK ta trahando riba e problema y tur loke cu ta bin padilanti , tin situacionnan mas pisa cu otro y mester deal cu e situacion paso pa paso. Segun prome minister di Corsou y lider di partido MFK , problemanan interno ta atende cu nan internamente y esaki a haci MFK grandi tambe durante aña, miho dicho “MFK ta tene su paña sushi den cas” na momento cu ta cla den cua ta e direccion cu e partido lo bay e ora lo Sali afo y duna conocemento na pueblo kico ta e decisionnan y direccion cu partido MFK lo cana. Tambe prome minister Pik Pisas tabata bon cla cu MFK tin 13 asiento y no lo bay lapi cu ningun partido.
Awo Javier Silvana no ta minister di finansas mas , pero parlamentario Javier Silvana cu lo ta forma parti di fraccion MFK den parlamento di Corsou.