Featured Politica

Parlamentario Alvin Molina (MEP): Augustus scur, un lucha esencial pa por a logra nos autonomia


Diaranson ultimo mi a presencia e prome encuentro oficial cu publico di e Fundacion Formacion Politico Nelson Oduber. E fundacion a organisa su prome charla cual tabata uno interesante, educativo y inspirativo riba e topico ‘Historia di Augustus Scur’. Oradornan Sr. Harry Croes y nos lider Honorario di partido MEP, sr. Nelson Oduber a comparti cu nos nan experiencia di loke a hiba na e augustus scur. E lucha di e homber y muhenan balente, e manifestacionnan cu a hiba na logronan grandi pa nos pais. Pa awe nos tin nos libertad, Status Aparte y autonomia.

E accionnan di augustus 1977 y e referendum di 25 maart 1977 tabata e base pa sigui traha pa prepara nos futuro pafo di gobierno Antiano, miho bisa pafo di Antias su constelacion. Nos ta gradici Betico y MEP, su integrantenan y tur cu a uni forsa cu nos por a yega Conferencia di Mesa Rondo na 1981 y 1983 cu a conduci cu Aruba a sali for di e constelacion Antiano dia 1 jan. 1986, cu nos a elimina e 2 formanan di gobernacion, e 2 bestuurscollegenan cu awe nos por determina nos propio futuro, destino cu tur e instrumentonan legal, economico ta den nos propio man, tin propio parlamento, propio Himno, Bandera, ortografia, propio Banco Central y moneda Arubano.

Mi ta gradici directiva completo di e fundacion pa organisa un encuentro asina inspirativo pa inculca y conserva nos historia. 

Related posts

Parlamentario Alan Howell Contento cu pier di Rodgers Beach lo haya e atencion mereci

EA News Author

Dia 13 di october keda pendiente di un otro caso di bida real cu FADA ta presenta

EA News Author

Marine Squadron Carib (MSC) a train hunto cu Aruba Warrior

EA News Author

Leave a Comment