ORANJESTAD,Aruba
Parlamentario Endy Croes a recore rond Aruba riba Dia di Betico probechando asina pa saluda nos hendenan. Alabes a usa e oportunidad pa scucha kico ta biba den pueblo. Durante e recorido aki a haci un “pitstop” na e radio emisora di pueblo situa den cuna di nos Libertador Betico Croes esta na Top Fm 95. Top Fm 95 tambe a celebra Dia di Betico en grande cu un tent cu bon ambiente y un cantidad di cumindanan crioyo. Tabata sigur momentonan agradabel pa saluda entre otro e Directeur di e radio emisora Edmond Croes hunto cu su baby Emmeline y su mami Jari. Tambe a topa cu Casienne y henter famia y diferente otro amistadnan y conocirnan. Un placer pa por a saluda nos pueblo y mira con pueblo a sali masalmente pa celebra Dia di Betico, e Libertador di Aruba kende a percura entre otro pa Aruba su Status Aparte. Danki Betico!
