Politica

Parlamentario Endy Croes: Celebracion Mahestuoso riba Plaza Libertador “Un anochi unico cu lo bay den historia como esun di mas grandi cu un show espectacular di Grupo di Betico”


ORANJESTAD,Aruba

Parlamentario Endy Croes a keda hopi impresiona cu e Manifestacion Cultural organisa pa Minister di Cultura Xiomara Maduro  y su team iniciando asina dia 24 di januari anochi riba Plaza Libertador Betico Croes e celebracion di Dia di Betico. 

Pa varios aña tin Manifestacion Cultural e anochi di 24 di januari anticipando Dia di Betico cu ta 25 di januari. Sinembargo e aña aki Gobierno di Aruba y e Minister encarga cu Cultura Sra. Xiomara Maduro hunto cu su team organisador y Departamento di Cultura a haci un trabou sublime. Hunto a bin cu un contexto completamente diferente. 

Despues di apertura y un discurso elocuente di Minister Xiomara Maduro mesora Grupo di Betico acompaña pa un cantidad di profesionalnan y maestronan riba fio y diferente otro instrumento musical a inicia cu e concierto. Grupo di Betico a brinda un espectaculo y un concierto di un nivel halto nunca bisto. Un publico masha masha grandi a goza pa mas di 2 ora largo none stop di e bunita show aki cual porcierto tabata hopi agradabel cu cancionnan popular den nan contexto unico. 

Ki bunita tabata pa mira un di e pioneronan di tempo aya  di “Betico y su Grupo” ainda activo riba stage awor cu “Grupo di Betico” esta  Maiky “Mo Maiky” Croes na edad di 89 aña deleitando publico cu ambiente y e mes gosando. Alabes Grupo di Betico tabata tin cantantenan invita manera Zaina Falconi y Margareth Marin. Aruba su idolo Jeon a subi y a presenta su cancion di fin di aña. Cerando cu Claudius Phillips “Might Talent” kende a subi presenta “Bonconco” cu Grupo di Betico den un ambiente unico.

Tanto maestro Franklin Granadillo a dirigi e orkesta compartiendo  cu e hoben talentoso di Aruba Jaydrick Croes kende como hoben tabata tin e tarea pa dirigi un grupo di profesionalnan y a haci’e na un manera unico. 

Parlamentario Endy Croes ta bisa cu e ta hopi orguyoso di nos talentonan. Plaza Libertador Betico Croes tabata yena cu tentnan cu cumindanan crioyo y un masa di hende nunca visto a duna asistencia y balor na e celebracion aki. Segun Parlamentario Endy Croes esaki ta un di e celebracionnan mas grandi y un concierto di mas bunita cu lo bay den historia como e stempel pa cu Manifestacion Cultural. Danki Pueblo pa sali celebra. Danki na Dje. Danki Betico.  

Related posts

Lider di Fraccion di POR, Dellalnire Maduro Apertura di edificio nobo di Respaldo ta duna mas acceso na comunidad pa yega na cuido medico necesario

EA News Author

CAFT cu conseho pa cobra e Subsidio di Salario duna di mas y deposita esaki den caha di Gobierno

EA News Author

Tripartiet Curaçao, St. Maarten y Aruba pa cu IPKO

EA News Author

Leave a Comment