Politica

Parlamentario Endy Croes: “Durante Celebracion di Dia di Betico a ricibi masha reclamo den pueblo di e desaster cu Mike Eman y AVP a laga atras”


ORANJESTAD,Aruba

Parlamentario Endy Croes a splica cu weekend di celebracion di Dia di Betico a bay den gran forma y a bishita masha hopi scol pero tambe masha hopi lugar cu tabata tin actividadnan festivo pa cu dia di Betico. Locual a resalta di acuerdo cu Parlamentario Endy Croes ta e cantidad di kehonan cu a ricibi di nos comunidad preocupa alrespecto e manera horibel financieramente cu Mike Eman y AVP a laga Aruba aden. Pregunta cardinal tabata  dicon nan por ta cana liber ainda?  

A entrega keho na OM

Pues tabata un tarea pa splica cada conciudadano preocupa na placa chikito cu Fraccion di MEP a cumpli cu su trabou di documenta tur prueba y a entrega keho mientras Ministerio Publico ta esun cu ta haciendo investigacion y nan trabou pero cu nos tin e confiansa cu no lo dura mucho mas pa entre otro Benny Sevinger y Leoncita por ehempel wordo acerca pa husticia alrespecto e casonan grandi di corupcion di tereno. Prueba tin na cantitad y ta cuestion di tempo y segun nos calculacion den e promer kwartaal di 2020 gay nan lo cuminsa canta. Tambe preguntanan manera hedging di Mike de Meza y e Mega Debe cu Mike Eman a orkestra tabata bin cada rato dilanti. 

Pruebanan di corupcion

Parlamentario Endy Croes a splica di a tuma tur su tempo pa splica cada conciudadano di nobo. Esaki ta pasobra e conciudadano mes kier scucha esaki  y ta puntra si berdad tin prueba. E bon ta cu nos ta cana cu potret di mayoria documento den nos cel y por comparti esakinan alinstante. Pruebanan manera Speed y Patrick Paskel via Thera Group, Paparazzi, Paxi pa nombra algun compania di mercadeo a cobra rond di 7 miyon den tur sorto di construccion pa chica e pueblo aki. Mike Eman a coopera dunando por ehempel abogado Sjiemfat 5.3 miyon di pueblo pa diferente deskundige adviezen mientras Mike Eman a duna Horizon Consultancy di Richard Arends como 4 miyon na trabou pa conseha Mike Eman himself. 

Debe Nacional y pago interes

Por tuma nota di un documento cu Mike Eman a usa 142 Miyon di pueblo na payroll den 8 aña na entre otro coordinadornan. E manera cu Mike Eman y AVP hunto cu su stempel parlament den 8 aña a redobla e debe nacional di Aruba prestando 2200 miyon fllorin algo nunca bisto. Mike Eman a redobla e interes riba placa cu nan a presta. Consecuentemente den 2019 a paga 232 miyon florin solamente na interes. 

Proyectonan PPP

Mike Eman a percura hunto cu Benny Avestruz Sevinger pa firma proyectonan PPP cual pueblo lo mester paga pa e proximo 20 añanan 80.9 miyon pa aña. Na 2039 nos lo caba di paga esaki. Mike Eman a haya ta bon pa chercha di pueblo den Parlamento cu su grtito di “Mi ta orguyoso di e debe y e debe t’ey pa nos tur bay pag’e den futuro”. Benny Avestruz Sevinger a grita den cas di pueblo “I don’t give a damn!” 

Destruccion den apenas 8 aña 

Pueblo tabata hopi contento celebrando Dia di Betico pero alabes por a sinti un pueblo defrauda total cu Mike Eman y AVP cu un dolor na nan curason pa e desaster financiero y corupcionnan grandi cu a pasa durante 8 aña di Mike Eman. Pueblo ta consciente y tabata puntra pakico locual Betico y MEP a construi desde e lucha pa nos Status Aparte te na un Aruba financieramente fuerte (te na 2009) Mike Eman y AVP mester a destrui esaki den apenas 8 aña? Unico contesta ta haragannan sinberguensa cu no tabata tin e pueblo na nan curason. 

Parlamentario Endy Croes ta termina bisando cu nos tin un tarea comun pa percura cu nunca pero nunca mas AVP por regresa na poder.   

Related posts

Minister Xiomara Maduro ta informa: A pidi companianan estatal pa yuda cumpli cu condicion di Hulanda y a pidi cooperacion pa pasa fondonan pa FASE

EA News Author

Parlamentario Hendrik Tevreden: Mester crea un sistema central pa ciudadanonan mes por haci melding di fayonan den infrastructura

EA News Author

Parlamentario Endy Croes: Haña sa poko mas di e contract di CITGO Dicon Gobierno anterior no a firma e contracto directamente cu Citgo Petroleum Corporation?

EA News Author

Leave a Comment