ORANJESTAD, Aruba
Parlamentario Endy Croes a splika cu diahuebs ultimo tabata tin un Openbare Bijeenkomst na Parlamento unda tanto Minister Presidente Evelyn Wever Croes, Minister di Salud Publico Danqui Oduber, Ronella Tjin Asjoe Directeur di ATA, Hoofd di Dienst Besmettelijke ziekten Sra. Sharline Koolman, Rino Hermans hefe di Rampen Bureau y Garrick Tromp Epidemioloog tabata presente pa asina duna un update completo di e situacion di Covid 19, maneho actual riba e di dos “wave” di Covid 19.
/// Second Wave a inicia cu averahe edad di 27 aña pero awor a jega 45 aña:
Durante e Openbare Bijeenkomst a splika te den detayes tur e procesonan y maneho alrespecto Covid 19 desde 13 di Maart 2020 cu Aruba a conose su 2 promer casonan. Dia 29 di Mei 2020 Aruba a crush the curve y a jega 0 caso. Esaki a permanese na 0 caso te dia 29 di Juni. Sinembargo desde 4 di Augustus a conose un outbreak di e segunda ola di Covid 19 cual a refleha mastanto inicialmente riba e hobennan di 17-30 aña cu a wordo contagia. Averahe edad tabata 27 aña di esnan afecta. Hobennan no lo bira malo di e grado cu nan mester wordo interna na hospital. Pero despues e edad aki a move como cu hobennan ta pega famianan na cas y awor e edad averahe a subi pa 45 aña cual ta cuminsa duna mas precupacion. Total persona infetca te cu 26 di augustus tabata 1163 di cual 1148 ta residente.
/// 50 % ta origina den famia, 25% ta origina na trabou y 25 % ta unknown:
Lokual a resalta ta e data acumula riba con e virus aki ta moviendo y con hendenan ta wordo afecta. Un total di 50% di transmisionnan den e segunda ola di Covid 19 ta entre famianan. A keda comproba cu un otro 25 % ta wordo contagia na trabou. Tin un otro 25% cu ta wordo contagia pero cu no tin data specifico con y na unda y esaki ta cay bou di e grupo asina jama “unknown” cual hustamente ta e parti mas fastioso y peligroso. Pa awor tin un averahe di 70 persona cu ta test positivo pa dia. Tanto Ministersnan presente pero henter e crisis team cu tur profisionalnan tin e confiansa cu nos a beat Covid 19 e promer ola y nos lo percura pa beat e di dos ola di Covid 19 esta crush the curve pa e di dos biaha.
/// Solamente cu desciplina propio nos lo vence e enemigo aki:
Parlamentario Croes ta splika cu Corona Virus a bini pa keda. Pues no ta algo cu lo bay facil y pa awor no lo tin un vacuna pe. Pues na cualkier momento cu nos no cuida por tin un otro brote atrobe. Unico manera pa nos vence Corona Virus ( Covid 19) ta cu disciplina propio. Pues mantene Bo mes na protocol. Laba man, mantene distancia social, bisti mondkapjes, niester den Bo elleboog y no sali bay un lugar si no mester. Cuida primordialmente nos grandinan y hendenan cu malesanan chronico. Pues Aruba ban hasi e promesa cu nos lo adapta nos mes na e normal nobo pa hunto nos Crush the Curve pa e di dos biaha.
