Politica

Parlamentario Shailiny Tromp-Lee (MEP): Gerlien Croes ta manera mucha manda di Mike Eman cu ta den un winterslaap continuo

Parlamentario Shailiny Tromp Lee 1

Lider di Partido AVP, Mike Eman enberdad ta den un winterslaap continuo. Suerte ta cu e y AVP tin Gerlien Croes pa fungi como su mucha manda. Te dia di awe ni AVP, ni Mike Eman, ni Gerlien Croes ta sali papia, mucho menos condena e diferente acto of acusacion di corupcion cometi pa miembronan di nan partido cu a keda presenta den caso IBIS, RDA, Avestruz y asina por sigui menciona

Hipocrecia di marca mayor pa wak y scuchanan condena miembro y of ex miembro di nos partido. Un cos sigur AVP tabata bon den dje, esta mediante nan medionan di comunicacion comprometi mantene pueblo den un bubble di fantasia pa nan por a comete nan fechorianan. Resultado awe ta cu Paul Croes ta sera y Benny Sevinger ta un sospechoso en espera di e sentencia di Corte.

Den Parlamento na mas di un ocasion a reta Gerlien Croes pa sali splica dicon nunca e of su lider Mike Eman ta sali toca e tema di corupcion den nan partido AVP? Ora ta trata nan hendenan nan ta bira ciego, sordo y mudo. Caso IBIS cero comentario y caso Avestruz cero comentario. 

Tampoco nos ta scucha Gerlien Croes ta papia di e desaster financiero y e Mega Debe causa pa Mike Eman y AVP. Nan a redobla e debe di pais den solamente 8 aña y awe Aruba mester paga 82.4 miyon pa aña te na 2037 pa nan desaster y 260 miyon pa aña solamente na interes riba placa cu AVP a presta. Esaki ta normal? Un mismanagement total. Pero riba e temanan aki Gerlien Croes no ta papia. Poco poco pueblo ta sera conoci cu Gerlien Croes. 

Dime con quien andas y te dire quien eres!  

Esey ta e diferencia entre MEP y AVP. MEP ta condena cualkier tipo di irregularidad constata y sigur ta responsabilisa esun cu kibra ley of cu ta abusa di su poder, incluyendo di nos mes partido.

Related posts

Secretario General di MEP: Mike Eman no tin honor ni dignidad

EA News Author

Parlamentario Endy Croes : AVP kier “tapa” corupcion cu un fantasma Fraude Electoral

EA News Author

Lider di fraccion di MEP Shailiny Tromp Lee Esnan cu comete un eror, fraude, corupcion of haci algo

EA News Author

1 comment

Leave a Comment

Whatsapp Message