Tourism Corporation Bonaire (TCB) ta invitá tur partner den sektor di turismo na nos isla pa partisipá na e kampaña nobo di destinashon: “Rediscover Bonaire – Where Summer Feels a Bit Different Than Usual” (Redeskubrí Boneiru – kaminda zomer ta laga bo sinti nèt algu diferente ku usualmente. Partisipashon ta kompletamente grátis i ta brinda empresa grandi i chikí un oportunidat ekselente pa promoshon di nan produkto, pakete i eksperensia mará na e temporada.
Meta di e kampaña ta pa oumentá kantidat di biahe di zomer pa Boneiru, kombinando storianan tokante e destinashon ku oferta di e partnernan. Asina ta enkurashá ku tantu bishitante ku ta bini bèk komo biahero nobo, pa skohe pa Boneiru i gosa di un eksperiensia karibense ku ta mas trankil i tin mas sentido.
Durante e temporada di zomer ta hasi promoshon pa e kampaña ku propaganda digital via retnan sosial i plataforma di CRM. E esfuersonan di merkadeo ta dirigí riba e merkadonan di orígen mas importante pa Boneiru na Nort-Amérika, Europa i Latinoamérika, pero ta enbolbí públiko karibense den region tambe i merkado lokal pa stimulá ‘staycations’ i biahe di último ora.
Ku un alkanse mínimo kalkulá na 15 mion biaha ku nos mensahe ta aparesé riba pantaya di usuario, e partnernan ku ta partisipá ta benefisiá di visibilidat konsiderabel di kanal internashonal di merkadeo di TCB. Ta invitá tur empresa den sektor di turismo, entre nan akomodashon, skol di buseo, touroperator, restorant, empresa ku ta hür outo, pakus, empresa di wellness, atrakshon, pa nan partisipá i mustra kiko ta hasi nan oferta úniko.
Kontrali na kampaña tradishonal karibense ku ta dirigí riba turismo ku hopi akshon i energia, e inisiativa akí ta posishoná Boneiru komo un destinashon kaminda bishitante por deskansá, konektá di nobo ku naturalesa i gosa di eksperensia outéntiko na e isla.
Pa partisipá, yena e formulario via e lenk akí:
https://bonaire.qualtrics.com/jfe/form/SV_eCCshs8wC4tkN2S
Huntu nos por inspirá mas bishitante pa deskubrí pakiko zomer na Boneiru ta un eksperensia, sensashon i sintimentu diferente.
