Manera konosí PIN a kana e trayekto legislativo pa legalisashon di Kanabis Medisinal i a presentá esaki na komishon sentral di parlamentu. Pa informá komunidat i kontestá varios pregunta rondó di e efektonan di dicho legalisashon, PIN a organisá djasabra 9 di yanüari 2021 un webinar ku e meta pa informá i trese klaridat riba entre otro aspektonan di salú, entrepreneurship i oportunidatnan pa trabou den e industria di Kanabis Medisinal.
Dr. Paola Cubillos, un médiko Colombiano residencia na Canada, spesialisá den medisina integrativo a trata e tópiko “evidence-based use of medical cannabis” i a splika e benifisionan riba diferente malesa manera epilipsia, artritis i investigashon nan ku ta tumando lugá riba uso di Kanabis pa kombatí síntomanan di Corona virus.
Banda di uso komo remedi, e matanan por keda usá pa hopi meta industrial. Sr. Lorenzo Rolim da Silva, presidente di “Industrial Hemp Association” di Latino Amerika a splika e industria Kanabis industrial. Pai nan manera Brazil, Panama, Mexico, Argentina, Costa Rica i Jamaica ta kana dilanti. Manera ta konosí Aruba ta den proseso pa yega na legalisashon.
E studiante Darren Eisden a presentá resultado di e investigashon ku e la hasi den kuadro di su tesis na Universidat di Utrecht riba legalisashon di Kanabis. Suzy Römer (lider di PIN) a spliká riba e kuadro di lei pa desaroyo di remedi, en partikular Canabis Medisinal.
Ta bon pa mustra ku Minsiterio di Desaroyo Ekonomiko di Kòrsou a kalkulá ku e industria di Canabis Medicinal por generá entre 2,000 pa alrededor di 9 mil kupo di trabou i mas o menos 200 mion florin na entrada pa gobièrnu.
