Apesar di tur e retonan cu aña 2020 a trece cu ne, awe por bisa Danki na Dios cu temporada di Horcan 2020 a termina y cu Aruba no a ricibi un efecto directo pa cualkier tormento tropical.
For di Bureau Rampenbesteijding Aruba a haya informacion di e temporada di Horcan 2020. Na maart 2020 a pronostica 18 sistema cu lo haya nomber, di cual 3 lo por tin impacto pa Aruba. Sinembargo temporada di Horcan 2020 a conoce un record di 30 sistema tropical cu a haya nomber. (Normalmente un aña Atlantico ta conoce 12 sistema cu ta haya nomber). Aruba a conoce dos menasa pa aña 2020 esta Gonzalo y Lota.
Di parti Gobierno di Aruba, Prome Minister y tambe Bureau Rampenbestrijding Aruba (BRA) kier a gradici tur Cluster pa e preparacionnan haci pa temporada di horcan 2020.
