Durante un entrevista reciente, representantenan di e sector primario Jair Britten Presidente di pro cunukeronan Aubiano Propetario di cunucu calabas a trece dilanti preocupacionnan profundo tocante e falta di progreso real den agricultura y cria di bestia na Aruba. Cu un tono critico pero constructivo, a wordo enfatisa cu apesar di e avance tecnologico y metodonan nobo di planta, e balor nutricional y e herencia tradicional mester keda central den e discusion nacional.
Tecnologia vs. balor nutricional
Den e combersacion a bini dilanti e bishita di proyectonan nobo, manera plantacionnan den “kashi glas” (greenhouses) y sistemanan hydroponico. Sinembargo, e enfoke principal di e cunukeronan ta keda riba e producto final. E balor nutricional ta e pilar di alimentacion y no tur sistema moderno ta garantisa un producto “poderoso” pa e consumo humano.
“Bo por pone kashi glas di punta pa punta na Aruba, pero e pregunta ta: kico bo ta produci realmente?”
Herencia y tradicion
E sector di veeteelt (cria di bestia) local, specificamente produccion di carni di cabrito y carne, ta keda sumamente solicita door di e comunidad y e mundo culinario. A wordo splica cu no tin mester di “reinvent e wiel,” sino duna balor na e herencia agrocultural cu ya e isla tin. E demanda halto pa carni local, caminda e pueblo “ta bira loco” pa un panco di carni fresco, ta un prueba cu e consumido ta balora e calidad di e tera mes.
Un Yamada pa Accion despues di 40 Aña
Un di e puntonan mas impactante di e entrevista tabata e mencion di e 40 aña di Status Aparte. E tempo aki a transcuri cu un “retraso” grandi den e desaroyo di landbouw y veeteelt. Esaki a pone Aruba den un posicion caminda e tin cu catch up urgentemente pa garantisa su seguridad alimentario pa e generacionnan actual y futuro.
Pero tampoco no ta mira e boluntad di gobiernonan pa a sostene Santa Rosa mas fuerte pa por brinda hopi mas na e Cunukeronan, criyado di bestia y piscadonan. Na momento cu realmente empodera y duna sosten financiero manera debe ser na Santa Rosa hopi por ser haci , pero tanten cu esaki no sosode, conscientemente ta trata di kibra e forsa di Santa Rosa cu ta un punto esencial pa e cunukeronan, criado di bestia y pesca na Aruba, siendo cu e enfoke ta pa empodera cunukeronan, criado di bestia y piscadonan na Aruba.
