Riba 4 di febrüari 2021 tin 8 kaso aktivo di COVID-19 na Boneiru. Tur ta habitante di Boneiru. Tin 19 hende ku a tèst i tur resultado ta negativo. Tin 2 persona hospitalisá pa motibu di COVID-19. Un pashènt ku tabata den hospital por a bai kas. Un persona ta den hospital na Aruba pa e haña kuido mas spesialisá.
Hasi un tèst si bo tin keho. Importante ta pa keda warda den karentena. No sali pa bo no kontagiá otro persona. Pa baha e sifra di kontagio ta importante pa mantené e reglanan di higiena, manera tene 1,5 meter distansia i laba man ku awa i habon pa evitá kontagio ku e vírùs di corona.
Bo tin keintura, doló di garganta òf kualke otro síntoma relatá na COVID-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rondó di bo.
#PreveníCorona #coronaBonaire #coronaBoneiru
