SaludFeatured

Sector Primario ta hala atencion na Santa Rosa: “di cunukero pa pueblo”

Mercado Di Santa Rosa 15

Den un esfuerso pa fortalece e conexion entre productornan local y e comunidad, e departamento di Santa Rosa a sirbi como escenario pa un mercado vibrante caminda e sector primario di Aruba a wordo poni den spotlight. Bou di e lema “di cunukero pa pueblo,” e comision pro-cunukero, Grupo Nos Tera, a presenta un variedad amplio di productonan fresco y local, banda di nan tambe tin otro cunukeronan tambe ta reenforsa e Mercado di Santa Rosa cu ta un mercado pa e pueblo di Aruba.

E bishitantenan por a topa con un seleccion diverso cu ta cubri e necesidadnan basico di alimentacion. Entre e productonan destaca tabata tin:

  • Proteina local: Carni fresco, pisca y webo di e miho calidad di nos isla.
  • Agricultura: Un variedad di e miho berduranan cultiva localmente.
  • Productonan complementario: Diferente productor a uni pa ofrece articulo cu ta complementa e dieta diario di e consumido Arubiano.

Santa Rosa mascu simplemente un mercado

Pa e representantenan di Grupo Nos Tera Jair Britten Presidente di pro cunukeronan Arubiano Propetario di cunucu calabas,ta indica e iniciativa aki ta bay hopi mas leu cu benta di producto; e ta un plataforma fundamental pa conscientisacion. Como cunukero di  cinco generacion, a enfatisa e importancia di toca temanan manera food security (seguridad alimentario) y e herencia agro-cultural di Aruba.

“Esaki ta bida di isla autentico. Den marco di 40 aña di Status Aparte, nos tin cu reflexiona riba kico nos a haci pa proteha nos sector primario,” e cunukero a declara.

Un Futuro den Crecemento

E reaccion di e pueblo tabata sumamente positivo. Danki na e uzo di social media, e interes pa e productonan local ta subiendo radicalmente (“skyrocketing”). E clientenan no solamente ta busca productonan di calidad supremo, sino cu nan ta pidi pa mas frecuencia y presencia di e cunukeronan den comunidad.

Cunukeronan mester uni mas y traha hunto pa un solo meta produci producto di calidad cu nos propio tera  y bende esaki cu e comunidad pa un miho producto di alimentacion local, pa nos hende nan local tin un producto sano pa como na mesa.

Santa Rosa 6Santa Rosa 5Santa Rosa 4Santa Rosa 3Mercado Di Santa Rosa 18Mercado Di Santa Rosa 17Mercado Di Santa Rosa 16Mercado Di Santa Rosa 14Mercado Di Santa Rosa 12

Related posts

A.T.A.: Muchanan local a disfruta di un dia inolvidabel abordo di Carnival Celebration

EA News Author

Telefon Pa Hubentud a ricibi aporte di AHATA

EA News Author

Minister di finansas Xiomara Maduro: Ta importante pa duna e ley BBO na Frontera espacio pa por custuma cu e sistema y por evalua den futuro un sistema di BTW

EA News Author

Leave a Comment

Whatsapp Message