BonaireFeaturedInternacional

Segun Carlos López Natera di M21: M21 ta un alternativa sosial liberal ku ta ofresé Boneiru un vishon bon balansá pa futuro

M21

Un liberal ta un persona ku ta defendé i protehé e libertatnan ku kada persona  tin pa skohe kon e kier biba su bida. Un liberal ta laga otronan ser liber, i esaki ta loke nos komo humanidat tin pendiente pa hasi. Liberalismo ta eksistí for di basta tempu kaba komo filosofia polítiko, i ta konta ku prinsipionan konkreto orientá pa alkansá un fin: “Defendé i protehé e libertat ku kada hende tin pa skohe kon e kier bida su propio bida”. Ser liberal tambe ta nifiká pèrkurá pa protekshon di e minorianan ku nan igualdat di oportunidat por ta na peliger. Ser liberal ta nifiká defendé ekonomia di merkado i ser na fabor di globalisashon, di kompetitividat i di meritokrasia. Un liberal ta defendé i promové un gobièrnu ku tin komo ophetivo prinsipal pa protehá derecho i libertat individual.

Awendia M21 ta e úniko partido polítiko sosial liberal na Boneiru i ta kompartí  komo su balornan prinsipal entre otro: libertat, toleransia, inklushon i igualdat. M21 ta un alternativa sosial liberal ku ta yuda enrikesé debate, un alternativa desisivo pa forma koalishon i e alternativa ku ta ofresé Boneiru un vishon bon balansá pa futuro.

Defendé e libertat riba tur kos ta algu ku no tur hende por hasi. Ser liberal, e diferensia ku otro ideologianan polítiko, no ta nifiká imponé un idea determiná riba hende di kon nan mester biba nan bida (imponé loke ta bon óf no). Un liberal ta plantea kondishon normativo pa kada individuo por buska i logra biba su bida manera e kier sin hasi daño na otro. Liberalismo pues ta establesé kondishon pa kada persona por alkansá su bienestar i felisidat. Liberalismo ta promové partisipashon di siudadano i ta yuda pa kada hende por logra su máksimo potensial. 

Un liberal ta prosperá den sistemanan ku base demokrátiko i sin influensia di religion. Un berdadero liberal ta promové debate pa asina, ku aporte di su ideanan, por yuda haña solushonnan lógiko, práktiko i realístiko pa problemanan di interes komun.  

Pa mi ta un orguyo i un responsabilidat hopi grandi di ta parti di e Movementu 21 (M21). Mi ta honrá di ta miembro aktivo di e úniko partido sosial liberal na Boneiru, un movementu ku semper ta pro e libertatnan individual i di e libertat di merkado, ku ta defendé minorianan i ku ta promové igualdat di tur hende.

Ku M21, Boneiru por bai den direkshon di futuro ku un vishon kla i ku basenan sólido di igualdat i partisipashon.

Related posts

Autor cu publicacion na Mexico y Bolivia

EA News Author

Boneiru ta kodigó oraño pa Hulanda

EA News Author

Prome Minister Evelyn Wever-Croes: Prome minister ta ricibi bishita di fundacion ‘sea bunita sea bo mes

EA News Author

Leave a Comment

Whatsapp Message