Nos selekshon di beisbòl U9 ta biaha awe den oranan di atardi pa Vacaville, California pa partisipá na e torneo di mustang-9 World Series.
E torneo aki ta kuminsá día 25 pa 28 di yüli 2025, na Keating Park Vacaville, California. Promé wega pa nos selekshon lo ta dia 25 di yüli 2025. Nos hóbennan ta bai kompetí ku diferente ekipo di e siudat di Merka i tambe ekiponan di otro paisnan Internashonal.
Entidat Públiko Boneiru i su departamento di deporte Indebon ta sumamente kontentu i orguyoso ku nos hóbennan ku a logra klasifiká pa bai kompetí na e weganan di World Series asina markando historia pa Boneiru. Entidat Públiko Boneiru i e departamento di Indebon ta deseá e selekshon tur klase di éksito. Ku orguyo, pashon i forsa boso ta para riba vèlt, bai pé i duna tur ku tin i laga mundu mira ki balor boso tin.
