Tres aña pasa, corte a duna Serlimar un suspencion di pago. Awor cu e suspencion a caba, Serlimar por reanuda su exspancion di negoshi. Serlimar no por a paga debenan cu a acumula na alrededor di 20 mion florin. Riba 9 di mei 2020, e Conseho di Supervision y e Maneho di Serlimar a pidi pa un suspencion di pago for di corte pa preveni cu Serlimar lo bai bankarota.
E corte a accepta e peticion aki riba 19 di mei 2020, y Serlimar a haya un suspencion temporal di pago. Na april 2022, Serlimar a nombra un Conseho di Supervision nobo, y hunto cu esfuerzonan y trabou duro, nan a convence e juez pa prolonga e suspenshon di pago riba 20 di mei 2022. Den e ultimo lunanan, nan a genera suficiente fondo pa paga e creditornan y a corigi nan honorarionan. Nan a intensifica nan esfuersonan pa cobra e debe di susession y asina hasi Serlimar finansieramente stabil. Tambe a introduci un software nobo pa mehora pago y cobransa.
Na 2015, e reorganisacion di e equiponan di limpiesa di caya di DOW a tuma luga y a ser transferi na Serlimar sin un presupuesto, poniendo un presion financiero significativo riba e compania. Cu e plan “Nos Tera Nos Pais”, nan a logra transferi e equiponan aki na e Direccion di Naturalesa y Medio Ambiente (DNM) y Fundacion Parke Nacional Arikok (FPNA), Bureau City Inspector (BCI), y Santa Rosa, cu a yuda reduci gastonan di Serlimar.
Dia 28 di augustus 2023, e suspenscion di pago a caba, y Serlimar por tuma su mesun desicionnan awor. E ta nifica cu Serlimar ta riba e bon caminda, ta recuperando financieramente, y por paga su debe. Awor e tin e opportunidad pa reinventa su mes y crese como un compania.
Gobierno ta procesa e periodiconan cu ta atrasa of e evaluacionnan di prestacion di promoshon. Ta esensial pa tin e estado legal di e empleadonan di Serlimar pa mantene e motivashon halto. Serlimar awor por establece su posicion na un manera duradero den e mercado di tratamento di desperdicio residencial y commercial.