Un biaha mas lo habri espacio pa e hobennan di Aruba, Boneiro, Corsou Saba y Sint Eustatius por drenta Wardacosta. Tur aña ta haci un reclutacion cu ta keda haci anualmente y na momento cu e solisitud nan caba di drenta lo atende cu nan y ta cuminsa cu e proceso di selecta di sea e mucha homber y mucha muhernan cu a solisita.
E manera cu ta selecta e hobennan ta abase di e testnan cu ta keda haci cu nan por mira cua ta e hobennan cu mentalmente y fisicamente por haci e opleiding di Wardacosta. E hobennan cu ta keda selecta ta combina entre e islanan cu a solisita y e studio lo cuminsa semper ta den augustus y e aña aki no ta un excepcion, unda cu esnan cu lo keda selecta lo cuminsa den augustus 2022.
E studio mes ta full un aña unda cu nan lo haya un training, les na hulandes , leynan como un kustwachter mester tene cuenta cu ne unda cu nan ta haya sa tambe kico nan por haci y kico nan no por haci.
Tur hoben cu ta interesa lo por ta di un edad di 18 pa 20 aña sea ta mucha homber of mucha muhe, nan mester ta di nacionalidad Arubiano , diploma di VSBO ,VMBO,LTS of MAVO y no tin mas di tin un strafblad , idioma hulandes ta hopi importante y un zwemdiploma.
Si e hobanan tin tur e criterianan aki libremente por subi website di www.kustwacht.org y por solisita. For di tur e solisitudnan cu ta keda haci for di e islanan lo seleciona un grupo chikito y e grupo aki lo cuminsa cu sport test, test nan medico, test di salud mental y algun otro testnan mas unda cu den e grupo selecta lo selecta 22 hoben y esey nan lo sigui e opleiding oficial di Wardakosta. E opleiding ta dura 1 aña y den e aña mes nan ta core stage tambe na diferente puntonan di sosten unda cu nan ta bay riba boto y ta siña con nan lo mester atende na momento cu nan haya un situacion riba lama con nan lo por subi e poto pa atende e situacion