Pa loke ta trata e protesta cu a tuma luga na Plaza Betico Croes nos di EAnews a acerca prome minister Evelyn Wever Croes riba loke cu a pasa riba Plaza Betico Croes na momento cu e tabata duna discurso. Sinembargo Prome Minister Evelyn Wever Croes ta duna di conoce cu e tabata dunando discurso y e no a ripara nada, pero despues a haya informacion cu ta trata di un grupo cu kier haci protesta, pero honestamente ta di opinion cu tin momentonan pa cada cos y dia 18 di maart no ta momento pa ningun protesta.
Dia 18 di maart ta momento cu Aruba ta bini hunto pa celebra y pa uni. Prome Minister ta duna di conoce cu gobierno semper su porta ta habri pa tur manifestacion y loke ta un berdad ta cu Prome Minister Evelyn Wever Croes ta un di e politiconan cu mas manifestacion a atende cu ne y ta ricibi tur hende.
Prome minister Evelyn Wever Croes ta kere cu si di berdad e grupo di activista kier trece nan puntonan padilanti y si di berdad kier expresa algo y si di berdad kier dialogo y atencion di gobierno ta haya esaki na bestuurskantoor y nunca gobierno a nenga esey. Pero pa yega na Plaza Betico Croes y daña un celebracion of purba daña esaki unda cu nos muchanan a pone asina tanto entusiasmo ta haya cu ta hopi lamentabel.
Pero di otro banda e portanan di bestuurskantoor ta habri y ta spera cu e activistanan sa di cana e caminda si di berdad ta preocupa pa e causa.