Featured Deporte Local

Sidney Ponson Charity Foundation orguyoso di apoyo ricibi pa prome torneo di pesca


Team di Sidney Ponson Charity Foundation ta sumamente contento cu e apoyo ricibi den nan prome proyecto grandi. E prome Wahoo International Tournament a tuma luga riba diasabra, 4 di december, na Varadero cu participación di 20 boto. 

E evento a cuminsa for di oranan tempran di mainta ora cu e diferente teamnan a subi e yatenan y a subi lama den lucha pa gana e premio grandi di 25 mil florin. Pa por gana e premio aki e Wahoo mester a pisa por lo menos 8 kilo. Lamentablemente ningún di e yatenan participante a logra yega e meta aki. Esaki ta haci e reto di otro aña, 2022, mas grandi ainda. 

Henter dia tabatin ambiente na Varadero y den oranan di atardi pa anochi Infusion y Rincon Boyz a pone ambiente cu nan música. 

Sidney Ponson personalmente a haci entrega di e premionan di cual e ganadonan di e anochi tabata e yatenan Chloe y Chikote, ambos di Aruba. 

E resultado final completo tabata manera ta sigui: 

Biggest Wahoo  – Alina; Biggest Kingfish – Tara; Biggest Mahimahi – Baha Na Awa y Biggest Barracuda – Chikote. 

 

Categoria Boto Grandi

  1. Chloe – Aruba
  2. Moonray – Aruba
  3. Alberio – Curacao

 

Categoria Boto Chikito

  1. Chikote – Aruba
  2. Thalina – Aruba

Tanto Alina como Chikote a gana mas cu un premio.

Sidney Ponson Charity Ponson, su team ta gradici tur su sponsernan y tur esnan cu a kere den su Proyecto. Parti di e entrada ta bay pa e proyecto deportivo na Club Bubali. Sigui apoya eventonan di SPCF ya cu nan tin un meta noble su tras, p ayuda principalmente hobennan pasa nan tempo di un forma sano.

Related posts

Aparte di COVID -19 tin mas infeccionnan respiratorio cu tur anja ta lanta cabes

EA News Author

Desicionnan di Gobierno

EA News Author

Minister di Cultura Xiomara Maduro ta corona Reynan di Dande Infantil y Reinanan di Dande Hubenil 2021

EA News Author

Leave a Comment