PolicialPoliticaFeatured

Ta extende maneho di Ministerio di Husticia pa cu rijbewijsnan cu a vence of ta bay vence

Rijbewijs Aruba

E rijbewijsnan concerni lo ta valido te cu 31 di december 2020

En conexion cu e Corona-virus COVID-19, na maart 2020 minister di Husticia mr. Andin Bikker a introduci un maneho temporal pa cu renobacion di rijbewijs, den cuadro di articulo 9, prome seccion (‘eerste lid’), di e Landsbesluit rij- en keuringsbewijzen (AB 1999 no. 61). A base di dicho seccion di ley un rijbewijs normalmente por wordo renoba dentro di un aña cu ela caduca, si e unico motibo ta cu e periodo di validez a expira.
Considerando cu e situacion excepcional menciona dor di COVID-19  ainda ta perdura y a trece retraso inespera den introduccion di un rijbewijs nobo, minister Bikker a dicidi pa prolonga e maneho temporal a base di cual rijbewijs cu un fecha riba cual e rijbewijs a (of lo bay) vence entre 16 di maart y 30 di december 2020, lo wordo considera como un rijbewijs valido pa maneha vehiculonan di motor na Aruba te cu 31 di december 2020, pa un of mas categoria menciona den e rijbewijs concerni.
E maneho temporal menciona ta aplicabel pa rijbewijs cu normalmente lo por wordo renoba a base di seccion uno (‘eerste lid’) di e articulo 9 menciona, y pa por stuur vehiculonan na Aruba, no den exterior.
Si circunstancianan mehora, e maneho lo wordo adapta, observando un periodo di transicion.

Related posts

Cuido Salud Hubenil ta informa riba e saminacion preventivo di salud, desaroyo y bienestar di muchanan na scol

EA News Author

Minister di Husticia ta introduci un periodo di gracia pa turistanan cu ta pega na Aruba

EA News Author

Fundacion Lead By Design y CEDE Aruba: Educando hobennan riba tema di amor propio y hiba un estilo di bida saludabel

EA News Author

Leave a Comment

Whatsapp Message