PoliticaFeaturedLocal

Ta prohibi pa lubida loke a pasa desde 2018 pa 2020 bao maneho di Jaime Croes como director di DIP

Whatsapp Image 2021 01 23 At 7.45.33 Pm

Pa varios aña caba Pais Aruba a keda afecta cu situacion di tereno. Hopi director ta bira funcionario di gobierno y ta traha full contra di nan maneho stipula.

Na November 2017 coalicion Gabinete Wever Croes a firma e programa di gobernacion “ Hunto pa  Aruba’’ Pagina 18,19 tin e puntonan di maneho di introduccion di inicio di  gobierno (beleidgangspunten )

 

Den e paginanan aki cu ta poni publicamente, algo cu sigur cu ta resalta, ta e proceso di otorgamento di tereno cu lo bira mas eficiente y mas efectivo debi cu e gabinete den su introduccion di maneho na inicio di gobernacion lo depolitisa DIP. Un di e puntonan cu a para fuerte riba dje.

 

DIP lo ta e unico instancia cu ta apodera pa otorga terenonan na ciudadano y /of companianan.

Consecuentemente e ciudadano no ta depende mas di e minister pa un tereno, pero cu ta responsabilidad di e director. Sinembargo tur luna e director ta responsabel di informa gobierno di e maneho di DIP. Esaki ta loke a keda priminti na pueblo den e programa di Gabinete Wever Croes.

 

E mandatario cu a keda cu e cartera for di inicio di gobernacion di coalicion MEP-POR-RED cu awe ta ex minister Otmar Oduber a introduci den su maneho na februari 2018, dicho maneho segun ley pa e maneho aki bira oficial e lo mester keda publica pa asina e drenta den vigor pa  pueblo di Aruba tin na su conocemento di e maneho nobo di infrastructura.

 

Den articulo 2 di Beleid Ministerie van Ruimtelijke Ontwikkeling, Infrastructuur en Milieu iciso 2.2  di Gronduitgiftebeleid a keda estableci

 

  1. E proceso di ortogamento di tereno lo keda depolitisa
  2. DIP ta e unico instancia apodera pa ortogamento di tereno
  3. E Director ta encarga pa ehecuta e maneho publica
  4. Tur peticion di tereno lo keda maneha ,evalua y otorga dor di DIP consecuentemente e ciudadano no ta depende mas di e mandatario conserni. DIP lo informa gobierno mensualmente di su maneho.

 

Den e maneho aki tambe a keda claramento publica con un ciudadano y of comerciante  por aplica pa un tereno. Den Articulo 3  di “De nieuwe gronduitgifte procedure”

 

 

Mirando tur e puntonan aki  for di comienso di gobernacion, awe na final di e gobernacion e director Jaime Croes ta haya un mandato di Minister actual di infrastructura Evelyn Wever Croes despues cu e departamento aki ya caba a conoce dos minister , Ex minister Otmar Oduber y Ex Minister Marisol Lopez Tromp cu a tuma e cartera over. E acuerdo y maneho di comienso di gobernacion. Sinambergo e director practicamente na final di gobernacion ta haya un mandato.

 

 

Con por ta posibel cu un director ta haya un mandato practicamente na final siendo cu tur esaki a keda estableci na comienso di gobernacion di Gabinete Wever Croes  MEP-POR-RED caba.

 

Den medionan di comunicacion dia 24 juni 2020 Aruba a keda impacta cu un entrada hudicial cu Ministerio Publico a haci na cas di ex minister Otmar Oduber cu awe ta conoci caso ‘’ Flamingo”. Tanto Landsregerge (LR) Recherche Samenwerkingsteam (RST) Cuerpo Policial (KPA) bao di guia di Huez Comisario a haci e entradanan aki. E entradanan hudicial aki tabata den cuadro di un investigacion penal di landsrecherche riba posibel delitonan di corupcion y otro hechonan castigabel relashona cu otorgamento di tereno di pais Aruba.

 

Esaki sigur ta un caso straño y cu ta hala hopi atencion. Awe ta investigando un ex mandatario cu den comienso di gobernacion na Februari 2018 a stipula den su maneho cu lo depolitisa DIP y ningun ciudadano y of comerciante no ta depende mas di e mandatario, pero cu ta e director ta esun responsabel pa maneha , evelua y otorga tereno.

 

Consecuentemente dia 3 december 2018 a keda apunta como director di DIP Jaime Croes.

Despues di 10 luna cu e maneho Ruimtelijke ontwikkeling en gronduitgifte beleid Dienst Infrastructuur en Planning a keda ehecuta y publica DIP ta conoce su director nobo Sr. Rigoberto (Jaime) Croes . Na momento cu e la eherce su funcion, e director tabatin experiencia y conocemento  amplio riba e tereno di maneho  cual ta  locual  cu   DIP ta atene na dje.

 

 

Con por ta posibel cu awe nos tin un caso “ Flamingo “ cu contenido otorgamento di tereno ex mandatario bao di investigacion y e director actual Jaime Croes cual ta e persona principal di conseha huridicamente e minister, duna conseho riba topico di infrastructura, elabora y ehecuta tur  ministeriële beschikking entre otro tur opcion comercial y ehecuta tur erfpachtovereenkomst y percura pa e maneho publica riba februari 2018 keda honra.

Si mester evelua tur loke a pasa y ta pasando ta keda varios pregunta dicon e director no ta bao di investigacion y  ainda ta eherciendo su funcion como director di DIP caminda cu e ta e persona intelectual di informa, conseha y ehecuta decisionnan di minister di infrastructura. Consecuentemente nada no por a ser haci sin cu e director ta na altura.

 

Ta imposibel cu su minister ta bao di investigacion y e director a haya Alzheimer y a lubida tur loke a pasa desde 2018 pa 2020. No ta keda nada mas obvio cu na momento cu Jaime Croes director di DIP a eherse su funcion no a atene su mes na e maneho di februari 2018 y a sigui e maneho dudoso,no transparente cu ta e maneho bieu cu tanto pueblo di Aruba a critica y cu e gobierno actual a priminti cu nunca mas lo no bolbe pasa.

 

Manehonan di ministeriële beschikking nan sin kenmerk di BID, ministeriële beschikking sin datum,y hopi mas iregularidadnan pa haci maniobra pa afecta e lomba di homber y muhernan humilde buscando un pida tereno pa nan cas y  di comerciantenan motiva pa inverti pa economia sigui florece.

Awor ta keda na e minister actual Evelyn Wever Croes di splica pueblo con un director cu no a atene su mes na maneho y transparencia  di e maneho di februari 2018 y ainda e director ta bao di e funcion como director.

 

Loke ta un realidad cu nunca e director no a sali afo y splica di e iregularidadnan cu tabata pasa, Kico esaki ta significa e ora ?

 

Pa es motibo aki mes Ex minister Marisol Lopez Tromp a haya diferente spirito y iregularidadnan den DIP y cu a tuma accion y a cuminsa un investigacion .

 

Sinembargo e mes un director aki a compaña y conseha ex minister di infrastructura Marisol Lopez Tromp. Den sala di parlamento Ex minister Marisol Lopez Tromp a splica di varios iregularidad cu tabata pasando den DIP bao di maneho di e mes un director Jaime Croes.

Aruba ta conoce su di tres minister di infrastructura durante 4 anja y ainda e director tey ( wrong and Strong )

Parti 1

Dip 1 RotatedDip 2

Related posts

Riba 22 di novèmber tin 3 kaso aktivo di Covid-19 na Boneiru.

EA News Author

DIMAS a celebra 15 aña di existencia

EA News Author

Wardakosta ta interseptá boto lokal ku droga na bordo

EA News Author

Leave a Comment

Whatsapp Message