Ora nos ta obediente na Dios, nos ta amigo y ruman di Cristo,pasobra tur esnan cu haci boluntad di
Dios, lo wordo bendiciona.
Esun cu bisa cu e ta den lus, y sinembargo ta odia su ruman, ta den scuridad ainda,
Tene bon cuenta esun cu ta discrimina, trata hende cu falsedad, y tambe no kier pordona ta den
scuridad,
Esun cu ta stima su ruman ta parmanece den lus, y no tin motibo pa trompica.
Ora nos ta carga hende na nos curason, e enemigo ta usa esey pa pone nos trompica den rabia y odio.
Ma esun cu ta odia su ruman, ta den scuridad, y ta cana den scuridad y e no sa na unda e ta bay, psobra
e scuridad a ciega su wowonan.
Redu, calumnia, flaso testimoniom ta pertenece na e mundo di scuridad, mentira y envidia, ta
pertenece na e mundo di scuridad, pesey nos mester tene bon cuenta kico nos ta pensa y papia, pasobra
sin bo sa, bo por drenta e mundo di scuridad.
Dios ta fiel, door di Kende boso a wordo yama,pa tin comunion cu su Yiu,Hesus Cristo nos Senjor. ( 1
Corintionan 1:9).
Tur esnan cu ta wordo guia door di e Spirito di Dios,esakinan ta e yuinan di Dios. ( Romanonan 8:14).
E Spirito mes ta duna testimonio huntu cu nos spirito cu nos ta yiu di Dios. Si nos ta yiu, nos ta
heredero tambe,heredero di Dios y coheredero cu Cristo. Si di berdad nos ta sufri hunto cun’E, pa nos
wordo glorifica tambe huntu cun’E.( Romanonan 8:16-17).
Nos ta ricibi frankesa pa medio di nos fe den Cristo Hesus , pa nos cana fiel y firme den su
camindanan, pa nos tene na e man di Cristo Hesus,pasobra e dianan ta malo y nos tin cu probecha e
tempo.
Ken cu ta kere cu Hesus ta e Cristo ta naci di Dios,y ken cu ta stima e Tata ta stima e yIu naci di dje.
Pa medio di esaki nos sa cu nos ta stima e yuinan di Dios,ora nos ta stima Dios y ta cumpli cu su
mandamentonan.( 1Juan 5:1-2).
Ora nos ta stima nos ruman, nos ta demostra cu nos ta disipelnan di Cristo, pasobra Hesus a stima tur
hende, e no tabata wak nan condicion, pasobra e a bini pa nos salbacion, pesey tabata wordo bisa cu e
ta come cu hacido di pica, pero e tabata come cu nan pa nan por wordo treci riba e caminda di berdad
y bida.
Cristo Hesus a bay cas di Zakeo, Cristo Hesus a pordona e criminal riba crus, Cristo Hesus a pordona
e muher adultera, Cristo Hesus tabata amigo di Maria Magdalena, Cristo Hesus a para combersa cu e
muher na e pos di Samaria. Tur esaki ta un demostracion di amor , pordon, y misericordia, pasobra
Cristo Hesus sa bon ken ta ken.
Den nos bida di tur dia nos ta confronta hopi situacion, y hopi biaha e enemigo que trece division, den
cas, den matrimonio, den famia, den iglesia, pero un cos nos tin di corda cu Dios ta amor, y pa medio
di su amor,tur herida por wordo sana.
Esey ta e previlegio cu nos tin , ora nos ta amigo di Cristo, pasobra e Spirito Santo di Dios ta biba den
nos , pasobra nos curpa ta tempel di Dios, cumpra y paga cu e sanger di Cristo Hesus, y nos no ta di
nos mes.
Nos Dios ta maraviyoso, y ta haci cosnan excelente, e ta Todopoderoso.
Sinceramente, Pastor Marcel Balootje.