Durante luna di yüli 2024 Tourism Corporation Bonaire (TCB)
a duna rekonosementu na tres bishitante prosedente di Merka komo embahador di
Boneiru. Ta trata akí di Tamara Thiede ku tin 10 aña ta bishitá Boneiru i tambe Dennis
Metcalf i Shea Kim ku ta bishitando nos isla pa 15 aña konsekutivo.
Tamara Thiede a haña rekonosementu den kategoria di bròns, miéntras a rekonosé Shea
Kim i Dennis Metcalf den kategoria di plata.
Nos embahadornan ta kontentu di por ta na Boneiru tur aña di nobo i tin di nan ku asta ta
bini Boneiru dos bes den 1 aña. Pa TCB, Helen Mercera a ofisialisá e seremonia i tambe a
hasi entrega di e sertifikadonan i e fenetanan korespondiente.
