Preocupacion ta crece riba impacto di rednan ilegal den economia di Aruba
Situacion di taxi pirata na Aruba ta un tema cu regularmente ta regresa den discusion publico.no a un secreto cu e fenomeno aki ta conecta directamente cu crecemento di actividad ilegal riba e isla, algo cu segun ultimo cu e legalisa mas di 10 mil ilegal por ta involucra den e transporte ilegal.
E problema no ta limita solamente na transporte ilegal, sino cu ta forma parti di un sistema mas grandi di actividadnan ilegal cu ta impacta economia y regulacion di mercado laboral den pais.
“Ilegal ta sostene ilegal”
Den e analisis, un patron cu ta wordo menciona hopi ta cu persona ilegal ta crea nan propio red di sosten. E expresion “ilegal ta sostene ilegal” ta wordo uza pa describi con diferente grupo ta yuda otro pa sobrevivi y traha placa den economia local. Mientras e politiconan local ta kibra e propio Arubianonan local riba nan propio Pais.
Den e contexto aki, criticonan ta indica cu:
- Algun dunado di trabou ta emplea persona ilegal pa evita paga belasting y obligacionnan laboral.
- Den algun caso nan mes ta crea actividad economico propio, manera transporte ilegal.
- E actividadnan aki, segun e argumento, ta desaroya fuera di sistema legal y sin paga impuesto.
- Prostitucion ilegal
E tipo di custumber aki ta bin cu algun persona di otro pais den cercania cu ta yega Aruba di paisnan unda paga impuesto no ta un practica comun, y esaki por contribui na e percepcion cu e mes sistema por funciona aki.
Sinembargo a alerta na varios ocacion riba e operacionnan aki , ken a haci algo realmente pa e pustema aki no sigui crece? a alerta cu e situacion aki por causa danjo economico pa Aruba si no wordo controla debidamente. E tempo ey yun hende n lanta for di sonjo , pero awe cu e baca ta casi hoga kier apunta riba dos persona cu a bringa.
Un otro punto di discusion ta e gobierno a duna oportunidad pa regularisa estatus di algun persona ilegal.
E medida aki a wordo mira pa algun como un tipo di premio pa comportamiento ilegal. Ta cuestiona kico resultado concreto Aruba a logra cu e iniciativa aki ?.
Segun informacion no oficial cu redaccion di EAnews a ricibi, e expectativa cu hopi di e persona ilegal lo integra den mercado laboral formal no a cumpli completamente.
Segun e informacion aki:
- No tur dunadonan di trabou a tuma persona den empleo formal.
- Den algun caso ta sigui tin trabao sin paga AZV ni SVB.
- Prome Minister a haci yamadanan pa dunadonan di trabou pa cumpli cu e leynan laboral di Aruba.
- Te ainda tambe tin ilegalnan trahando.
E comercio a respeta e gobierno ? , e pais su regla y leynan , of paso nan ta comercio inversionista nan ta dicidi kico ta pasa na Aruba ? un falta di respet y etica, gobienro ta perdiendo su poder como gobierno pa wak pa e Pais ?
Realidad social y economico
Tambe tin indicacion cu e realidad social di algun grupo ilegal no semper ta visibel na caya. hopi persona ta biba den cambernan cu ta huur barata hoki den hoki , na condicionnan limita, mientras cu nan ta sostene otro dentro di nan propio comunidad.
Algun grupo a crea actividad economico informal, incluyendo servicio di transporte ilegal, pa move dentro di nan propio circulo social sin tin hopi contacto cu sistema formal.
Segun e analisis, esaki por crea un economia paralelo cu ta opera bou di sistema legal cu ta existi na Aruba.
Transporte publico: un “free for all”?
Ultimamente, algun parlamentario a cuestiona situacion di “free for all” den sector di transporte publico. Sinembargo, e problema no ta limita solamente na transporte publico y e pelea cu a tuma luga, e desafio principal ta cu control riba diferente sector di economia no ta suficiente fuerte.
Mientras discusion riba un pelea ta crea un punto situacion di ilegalidad ta continua y presion regulatorio ta cay mas riba empresarionan y trahadornan legal cu ya ta cumpli cu tur obligacionnan. “Aruba ta riba su cabes “
Hopi Arubiano ta sinti cu nan tin cu lucha pa un cantidad menos di trabou, mientras actividad ilegal ta continua sin suficiente control.
Na varios ocacion ta papia y argumenta cu e debate real mester concentra riba e problema estructural di ilegalidad den economia, algo cu ta crea e mayor daño pa pais y net esaki nada no ta wordo haci, pero ta preta di e otro banda cu si ta cumpli y pa un pelea ta questiona.
Situacion di taxi pirata y actividadnan economico ilegal ta keda un tema delicado na Aruba. Pa algun sector di sociedad, e tema ta toca control migratorio, regulacion laboral, economia informal y aplicacion di ley.
E reto pa autoridadnan ta logra un balance entre regulacion efectivo, proteccion di mercado laboral y maneho humano di situacion migratorio, mientras e pais ta sigui enfrenta e realidad economico y social di problema den tur area pa sigui acepra e modus operandus di ilegalidad cu ta inpoderando dia pa dia sin tuma accion fuerte.