Actualmente tin un tormenta tropical riba e oceano Atlantico un poco mas pabao di e islanan di Cabo Verde, cu ta fortaleciendo y ta biniendo direccion di Caribe. Aunke T.S. Erin te ainda ta na casi 5000 kilo meter di distancia, mester menciona cu e tormenta tropical ta creciendo y su direccion ta west.
Ta spera cu den curso di awe of mañan diahuebs, e tormenta tropical Erin lo sigui fortalece y lo bira e prome horcan di e temporada di horcan 2025.
Prediccion nan di tempo ta indica cu e horcan Erin cu actualmente tin bientonan sosteni di 50 miya pa ora, lo pasa panort di e islanan di Caribe, y no ta forma un peliger directo. Pa un tormenta tropical bira un horcan e mester di awa di lama cayente, cu ta alimenta e horcan y bientonan sosteni di mas di 74 miya den e centro di e horcan. Pa diabierna e tormenta tropical tin e potencial di por crece di tormenta tropical pa bira oficialmente e prome horcan di e aña aki den nos area.
Diabierna Erin lo ta drentando nos area panort di Sint Maarten y tur scenario ta indica cu e lo pasa leu panort di e islanan di Caribe. E horcan Erin ta proyecta di crece rapidamente ora cu e yega e awanan cayente di Caribe te na un horcan categoria 3 y lo yega esaki entre diadomingo pa dialuna. Sigui EANews pa updatesnan tocante e temporada di horcan 2025.