Na luna di febrüari, Tourism Corporation Bonaire (TCB)
a rekonosé nuebe bishitante komo embahador di Boneiru den kategoria di bròns, plata,
oro i platina.
Feneta di bròns a keda otorgá na Lam Quynh Nguyen i Bichtan Le ku ta bishitando
Boneiru pa 10 aña kaba. Jack Steinlein i Joseph Caraccia tambe a risibí rekonosementu
pa motibu ku nan tin 11 aña ta bishitá Boneiru, miéntras ku Frank Bermudez a risibí esaki
pa su di 12 aña ku e ta bishitá nos isla.
Den kategoria di oro a honra Greet van Arem i Arthur Masselink. Tur dos ta prosedente di
Hulanda i nan a risibí nan feneta pa 22 i 26 aña di bishita na Boneiru. Mester hasi menshon
ku Arthur Masselink a keda sorprendé pa su amigunan akí na Boneiru, ku ta sr. Calixto
Coffie i esposa ku a tres’é den spòtlait.
Brew i Jean Barstow di Merka a haña rekonosementu den kategoria di platina pa nan di
41 aña ku nan ta bishitando Boneiru.
Tabata Helen Mercera ku a ofisialisá e seremonianan i a hasi entrega di e sertifikadonan,
fenetanan i plakatnan korespondiente na e embahadornan nobo.
