BonaireFeaturedInternacional

Tourism Corporation Bonaire a organisá presentashon eksklusivo di Semii Marten na okashon di e promé bon biní pa e yate Emerald Azzura na Boneiru

Tourism Corporation Bonaire A Organisa Presentashon Eksklusivo Di Semii Marten Na Okashon Di E Prome Bon Bini Pa E Yate Emerald Azzura Na Boneiru.3

Tourism Corporation Bonaire (TCB) tabatin e previlegio di por a risibí Semii Marten i su tim talentoso pa un presentashon na bordo di e luhoso yate Emerald Azzura.

Dia 21 di febrüari 2024 Semii Marten a impreshoná tur hende na bordo di e yate Emerald Azzura ku su presentashon di un ora largu, konsistiendo di su mes kantikanan, bailadónan folklóriko, un poesia na papiamentu di Janiro Dorothea i ‘urban dancers’ ku a fasiná tantu e bishitantenan komo e miembronan di tripulashon. 

E yate Emerald Azzura ku dia 21 di febrüari a bishitá Boneiru pa promé biaha (first call) ta konosí pa su luho i sofistikashon i a yama bon biní na mas òf ménos 100 bishitante, banda di su 77 miembronan di tripulashon. Emerald Azzura ta disponé di akomodashonnan luhoso i un variedat di fasilidat i funshon inovativo, manera e impreshonante Marina Platform i e souna ‘infrared’ di mas moderno ku ta eksistí.

Miles Mercera, direktor di TCB, a ekspresá su alegria tokante e kolaborashon ku artistanan lokal i e posibilidat pa hasi uso di oportunidatnan remarkabel, manera e evento akí. El a pone énfasis riba importansia di presentashon di e talento eksepshonal di Semii Marten na un públiko internashonal i el a suprayá e importansia di tesorá talento lokal riba plataformanan nashonal i internashonal. 

TCB ke gradisí Semii Marten i su tim, Bonaire Port, Emerald Azzura i su tim, i Maduro Bonaire pa nan kolaborashon i nan dedikashon i pa e posibilidat pa promové nos kultura i krea eksperensianan inolvidabel pa nos bishitantenan.    

Tourism Corporation Bonaire A Organisa Presentashon Eksklusivo Di Semii Marten Na Okashon Di E Prome Bon Bini Pa E Yate Emerald Azzura Na Boneiru ScaledTourism Corporation Bonaire A Organisa Presentashon Eksklusivo Di Semii Marten Na Okashon Di E Prome Bon Bini Pa E Yate Emerald Azzura Na Boneiru 1 Scaled

Related posts

Parlamentario Alvin Molina (MEP): Agricultor ta duna bek na comunidad

EA News Author

Arubahuis presente na despedida pa dominee Hessen

EA News Author

Buki nobo ‘Tekki e toteki Papiamento ta topa Papiamentu’ presentá na Minister di Cultura

EA News Author

Leave a Comment

Whatsapp Message