Komo parti di e Luna di Turismo, Tourism Corporation Bonaire (TCB) riba djasabra 20 di sèptèmber 2025 eksitosamente a organisá su di tres spùrtogt turístiko, konosí komo ‘Tourism Scavenger Hunt’. E evento ku a tuma lugá for di 10 or di mainta te 12 or di mèrdia den kurason di Kralendijk, a trese hopi mucha lokal di 8 pa 12 aña huntu pa un eksperensia edukativo i dibertido, ku enfoke riba e monumentonan históriko i aktrakshonnan turístiko di Boneiru den sentro di nos siudat.
E aña akí en total 11 tim a partisipá, kada unu konsistiendo di 5 mucha, kompañá pa un adulto. Pa hasi e reto mas kreativo ainda, a indiká un fruta na kada grupo, ku di un òf otro manera nan mester a prosesá den nan trahe. E trahenan kreativo a aksentuá e forsa di imaginashon i e ideanan úniko di e timnan i nan a duna e ‘Tourism Scavenger Hunt’ un karakter bibitu i kolorido.
Durante e diferente paradanan i aktividatnan rònt Kralendijk, e partisipantenan a siña mas tokante nos isla i su historia riku. Na fin di e evento a trit tur e partisipantenan un lùnch i nan a risibí un regalito, opsekio di TCB.
Resultado di e ‘Tourism Scavenger Hunt’ ta lo siguiente:
– Ganadó apsoluto – promé lugá: grupo Bakoba, lider Xioella Janga
– Di dos lugá: grupo Apel, lider Jolinda Craane
– Di tres lugá: grupo Druifi, lider Samvid Janga
Premio èkstra: E premio pa e trahenan mas kreativo a bai pa grupo Anasa, lider Shakeynie Nicasta
Entrega di premio pa e ganadónan di e ‘Tourism Scavenger Hunt’ ta tuma lugá durante e evento di Taste of Bonaire riba djasabra 27 di sèptèmber, ku kua ta klousurá e Luna di Turismo.
Un danki grandi ta bai pa tur e gruponan ku a partisipá na e ‘Tourism Scavenger Hunt’.
