Edishon Turismo
Tourism Corporation Bonaire (TCB) ta bai organisá su di kuater Taste of Bonaire pa e aña akí.
E evento ta tuma lugá riba djasabra 27 di sèptèmber 2025 den Parke Wilhelmina for di 6 or di atardi pa 10 or di anochi den un tremendo ambiente ku e tema Turismo, mirando ku esaki ta e fecha di ‘World Tourism Day – Dia Mundial di Turismo’.
E programa ta kargá ku músika i talento i tin varios stènt ku ta bende kuminda lokal i internashonal. E agrupashonnan musikal Hashtag i Grupo Kariño i DJ Jewels lo ta presente pa ánima e anochi aki. Durante e Taste of Bonaire akí nos ta anunsiá tambe e ganadónan di e Tourism Scavenger Hunt.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 27 di sèptèmber 2025 na e di kuater Taste of Bonaire edishon Turismo den Parke Wilhelmina.
Pa mas informashon por tuma kontakto ku TCB na telefòn 717-8322 òf manda un email pa sr. Angelo Domacasse na angelo.domacasse@bonaireisland.com.
