Salud Aruba Turismo

Turistanan ta cumpliendo cu instruccion, incumplimento cu por presenta ta wordo atendi debidamente.


ORANJESTAD,Aruba

For 1 di juli cu Aruba a cuminsa habri su frontera gradualmente te cu dia 21 di juli, un totaal di 10155 pasahero a yega nos dushi pais di cual 7875 ta turista y 2280 ta residente y personal di aerolinea.

Di e total di pasaheronan cu a drenta 13 a test positivo pa covid-19 na aeropuerto. E cantidad di positivo ta simbolisa solamente 0.13 %.

Tambe por conclui cu di e 10155 turista y residentenan cu a yega Aruba 10142 a cumpli cu tur medida implementa y a logra drenta nos pais cu un minimo risico di contagio.

Crisis team y gobierno ta traha abase di datos y ta haci evaluacion continuamente pa adapta e maneho si ta nesesario. Abase di evaluacion haci por conclui cu Aruba ta haciendo un hopi bon trabou y asta ta sirbi como ehempel pa otro paisnan.

Situacion actual.
Di 14 casonan activo cu tin te na e momenton aki; 5 ta residente y 9 ta bishitante y tur ta isola sea den nan propio cas si ta residente y si ta turista na un sitio special asigna pa ATA. Te awor no tin transmision local. Esnan den isolacion y cuarentena ta wordo monitorea y turistanan te awor ta colaborando cu e proseso aki y tin tur comprencion pa cu nos medidanan.

Si surgi caso di desobediencia na e instruccionnan duna, DVG ta investiga e caso y si ta asina cu a viola e instruccion sea turista of residente lo tin consecuencia pa esnan concerni. Realidad ta si cu DVG no por ta tur caminda na mes un momento pa eherce control, ta keda na cada persona concerni pa mantene su disiplina na e reglanan stipula.

Gobierno di Aruba, DVG y Crisis Team ta sigui traha duro, pa mitiga e risico lo mas posibel, pero mester e colaboracion di un y tur pa nos por sigui ta exitoso den control di e virus.

Related posts

ULTIMO DIA PA E SECTORNAN DI ‘TAXI’, ‘TOUR OPERATOR’ Y ‘CAR RENTAL’ REGISTRA PA E ARUBA HEALTH AND HAPPINESS CODE TA DIABIERNA 19 DI JUNI

EA News Author

135 persona ta recupera awe di COVID-19 na Aruba

EA News Author

Despues di mas cu 1 lunaAruba ta registra 2 caso nobo di Covid-19

EA News Author

Leave a Comment