Den sala di EU a pasa un ley y a haya aprobacion di un plan pa aumenta deportacion.
Parlamentarionan Europeo a celebra un votacion cu tin como meta pa aumenta deportacion den henter Union Europeo (EU) Den Parlamento Europeo a tuma luga diaranson ultimo, despues cu e parlamentarionan a vota 418 contra 218 pa debolbe e medidanan controversial aki, cu tin como meta pa aumenta deportacion di personanan documenta y indocumenta E reformanan aki a haya hopi critica di parti di gruponan di derechonan humano, incluyendo Amnesty International France, cu e siman aki a duna e plannan e etiqueta di ta cruel y discriminatorio”. Tambe 16 experto di Nacionnan Uni (UN) a saca un informe recientemente unda nan a detaya mas di un dozijn di forma con e reglanan aki por bay contra e derechonan humano internacional.
E plannan ta inclui medidanan caminda por detene hende pa un periodo di te cu dos aña, of por manda nan pa centronan di detencion afo di e continent (offshore), locual a wordo describi como “buraconan preto pa derechonan humano”. Banda di esaki, e reglanan nobo ta habri caminda pa un tipo di control di inmigracion estilo “ICE” (manera esun di Estados Unidos) tuma luga na Europa.E situacion di Ilegalidad y personanan cu ta bandona nan Pais y bay den otro Pais no a crea un situacion positivo pa e Pais nan cu ta ricibi e persona nan aki. Hopi ta bin cu nan custumber nan y ta keda trapa riba leynan di e pais y cada bes e Pais mester tin mas gasto riba nan. E derecho di e Pais ta wordo trapa, esaki ta conta pa full europa, despues cu e ley a wordo aproba.