Wardakosta den bon kooperashon ku CITRO ta asisti den rekuperashon di boto belero ta drif

Den anochi di djarason 5 di juli a ser detekta dor di e avion di Wardakosta Dash-8 un boto belero ta drif sin lusnan di nabegashon i ku bela abou na parti nort di Boneiru. Siguiente dia mainta e helikopter di Wardakosta a bai buska mas informashon pa asina saka afo si ta trata di posibel persona den estado di emergensia abordo. Despues di a identifika e belero, konfirmando ku no tin persona a bordo i ku e informashon adheri dor di e Centro di Operashon Maritimo (MOC) a ser konklui ku e belero ta unu ku a los for di Isla di St. Lucia i ku no tin persona a bordo.

Despues di a informa e doño di e belero, e boto DICK BRAAKMAN di CITRO den bon koperashon ku Wardakosta ku e boto Metal Shark, a sleep e belero na parti nort di Korsow I tresele na e pier di Wardakosta na Marine Basis Parera kaminda e doño lo hasi e demas tramitenan pa rekupera su embarkashon.