Featured Local

Wardakosta ta hasi entrega di outo na Fundashon Gideon


Fundashon Gideon a entregá un karta di donashon na e ‘goede doelen commissie’ di Wardakosta i Defensa den Karibe un tempu pasa ku e petishon pa un donashon di un outo segunda mano na e fundashon. E fundashon mes no tabatin sufisiente fondo pa por a remplasa nan outo pa un model mas nobo. Pesei nan a keda drecha i ‘service’ nan outo pa por a keda ehekutá nan trabounan di tur dia.
Resientemente Fundashon Gideon a risibí un yamada ku a hasi nan mashá kontentu. Tabata e
personal di Wardakosta ku a yama nan pa indiká ku tin un outo segunda mano na nan disposishon. Señor Habermehl i su esposa ku ta maneha e fundashon tabata hopi kontentu ku e notisia akí. Nan outo tabatin mester di ser remplasá urgente pa motibu ku mester a keda hinka hopi tempu pa por a drecha e outo kada biaha. For di man di señor Eugene Middelhof, ‘Plaats Vervangend Directeur’ di Wardakosta señor Habermehl a tuma e yabi di e outo segunda mano pa e fundashon. Ku e outo aki nan lo por hiba i buska e muchanan di e fundashon for di skol, hibanan e klup di mucha kaminda nan ta haña lès i na final di dia hiba nan kas bèk.
Wardakosta ta desea Fundashon Gideon hopi eksito ku e outo.

Related posts

Milliard Academy lo habri un otro facilidad na My Fitness na 2022 pa brinda mas oportunidad na nos muchanan y grandinan

EA News Author

Cada doño ta responsabel pa su mascota of animal Veterinaire Dienst ta haci eutanasia como ultimo recurso solamente.

EA News Author

Minister Xiomara Maduro ta informa: Aruba na caminda pa e siguiente evaluacion mutuo di Caribbean Financial Action Task Force (CFATF)

EA News Author

Leave a Comment