Tabata alrededor di 8:30 diasabra anochi riba Dia di Rey cu bisiñan a nota cu algo straño ta pasando den nan bario. Un cantidad di auto a cuminsa aglomera canto di e caminda riba Bucutiweg cu ta un caminda sin continuidad, pues e ta limita na mas direccion pasobra cu e ta caba na e cura di Aeropuerto. Bisiñanan no tabata tin un idea di kiko tabata pasando y a cuminsa puntra otro ken sa di algo cu por tin den nan bario cu normalmente ta hopi trankil. Pero despues di un rato e cantidad di auto a bira asina hopi cu nan casnan a keda blokea.
A dicidi e ora ey di yama polis pa averigua kiko ta pasando. Nan a wordo informa cu tin un concierto ta tumando lugar na e Bar-Restaurant Varadero. Nan a informa polisnan kiko tabata pasando, cu cantidad di autonan di esnan cu a bin pa e concierto tabata asina hopi cu nan no por a keda para solamente canto di caminda pero a bay over na sera e entrada y salida dilanti e casnan y hasta parkeer riba caminda. E famianan na e momento ey a bira mas nervioso cu si algo por pasa na nan cas, sea un hende bira malo, candela of un otro emergencia con ayudo lo por yega si henter e caminda ta blokea pa esnan cu parkeer y cana bay alrededor di 100 meter di distancia pa acudi na e concierto. Un bisiña conta cu den mas di 3 decada cu e ta biba den bario nunca nan a presencia algo asina, nan a keda isola den nan cas, e zonido di e musica tambe a percura pa causa molester ya cu e casnan ta traha riba klip, e vibracion di zonido ta drenta den e suelo di klip y zona bao y den e casnan tambe. Tabata tin bisiña cu no tabata na nan cas ora cu a aglomeracion di autonan a cuminsa, pues ora cu nan a yega den nan bario alrededor di 10or no por a yega y para dilanti di nan cas. E habitantenan ta puntra nan mes, di tanto sitio cu tin pa organisa concierto y fiesta na Aruba, con por ta cu a bay duna permiso pa organisa un evento asina na un sitio y area cu no ta adecuado. E habitantenan aki ta biba riba un caya cu ya ta limita na direccion, tras di nan cas ta cura di aeropuerto tin y dilanti nan ta lama, e unico salida cu nan tin ta un caya di un direccion y esaki a keda blokea pa e candidad di autonan canto di caminda dilanti nan cas y hasta riba caminda. Pa su mayan mainta a haya boternan di bebida benta dilanti nan cas y den cura, a orina riba cura di nan cas, masha fis mes. Bisñanan rabia a laga sa cu nan ta bay protesta e echo aki.
