Kòrsou aktualmente ta e pais mas pober den Reino, ku mas o menos 40 % di pobresa. Riba
esaki ta bin ku resientemente pueblo di Korsou mester a entregá 30 mion florin durante 30
aña i CBCS 15 mion durante 50 aña pa por a salba e penshunnan di ENNIA. Sèn ku por a usa
pa oumentá penshun behes of invertí den enseñansa i desaroyo sosial. Ta bogá pa tene
kuenta ku ‘benchmark’ pa e salario fabuloso di direktiva di Banko Sentral, pero no ta tene
kuenta ku NINGUN “benchmark” pa oumentá penshun di AOV, onderstant, sueldo minimo i
drecha forsa di kompra di nos pueblo! No ta tene kuenta ku invershon den presupuesto di
kuido paso supuestamente no tin sèn, pero pa motibu ku Banko Sentral a fayá ku e
supervishon ku e ta enkargá kun’e pa lei nos tin di paga 1650 mion!
Banda di esaki, ya Parlamento a pasa e lei di “top inkomens” ku ta inkluí e salarionan di e
direktornan di Banko Sentral. Den e lei ta indiká ku e salario pa aña di direktornan por ta
maksimal 386 mil florin pa aña.
Mirando e situashon di pobresa i falta di fondo pa e hende por biba un bida digno i ademas
e desaroyonan i fayo den supervishon dor di Banko Sentral na GiRO i ENNIA i ku ta pueblo
mester karga ku ne, pa nos ta inaseptabel e proposishon indesente aki den un pais ku asina
tantu retonan finansiero i pobresa den kasnan di famia. Asina parlamentario Giselle Mc William a duna di conoce
Oumento di salarionan na banko sentral ta un proposishon indesente i inakseptabel
