Declaracionnan den Teewde Kamara a hala atencion di Ex minister Otmar Oduber, unda cu Staatsecretaris Alexandra van Huffelen a expresa e desicionnan tuma pa Aruba. Mirando e expresionnan no sa cu e expresionnan haci lo ta un sorpresa pa Aruba of no, pero si ta sumamente lamentabel cu apesar cu ta sinti na e momentonan aki cu Aruba mas cu nunca mester pa unifica pa por atende un situacion serio di finansas pa nos Pais.
Mientras Hulanda si ta tuma su decisionnan manera cu a keda anuncia den Tweede Kamer pa e staatsecretaris den nomber di gobierno di Hulanda, aki na Aruba ta como sifuera cu ainda nos kier wak ken tin mas forsa cu e otro.
Segun ex minister Otmar Oduber mientras cu na Aruba kier mustra ken tin mas forsa cu otro, unda cu gobierno di Aruba, Parlamento den su totalidad y partido AVP simplemente como oposicion ta e di dos partido mas grandi no ta vocifera su mes,no ta sali pafo y presta su mes pa por yuda yega na un solucion.
Ta yega un momento no ta paso ta oposicion mester keda haci tur loke ta contra of purba trompica e gobierno cu ta sinta, pero a yega na e momentonan aki pa para keto un rato y uni pa Aruba y stop di hunga entre politiconan, den e caso aki ta esunnan den parlamento cu ta tur 21 miembro di parlamento por haci un diferencia na bienestar di Aruba.
Sinembargo actualmente 21 parlamentario ta trata di score riba otro, no ta trata solamente di AVP den oposicion pero otro partido nan tambe den oposicion cu ta accion 21 y otro nan cu ta purba di ta mas sabi cu tur hende y ta pretende cu nan proposicionnan ta miho, pero na mes momento no ta saca un man pa berdaderamente haci loke nos a haci den pasado.
Papia un papia dos ex politico nan manera Shon A Eman, Betico Croes , Henny Eman, Juancho Yrausquin cu na momento cu mester logra cosnan grandi pa Pais Aruba ta hunto nos mester ta y hunto nan a logra.
Segun Ex minister Otmar Oduber no ta keda solamente na esunnan cu ta den parlamento y gobierno na e momentonan aki, pero e propio coalicion cu ta sostene e gobierno aki cu den e caso aki no ta duna claridad na comunidad unda nan ta para.
Prome minister di Pais Aruba Sra. Evelyn Wever Croes a firma pa RAFT “PUNTO” Unda MEP ta para ? Unda RAIZ ta para ?. Ta sostene e prome minister of no ta sostene e prome minister. Mientras tanto si mester mira e paso nan cu Hulanda a tuma, nan si a tuma decision riba nos.
Sinembargo no ta mira solamente esunnan den gobierno of esunnan cu ta sostene gobierno, pero e gremionan na Aruba tambe a sali individual pa ataca gobierno of pa ataca parlamento, pa asina bisa unilateralmente pafo cu mester acepta RAFT no matter. Ingreibel pa kere e exprecionnan aki sabiendo kico Aruba a pasa den dje na momento cu tabata bao di Curacao / Hulanda.
Esaki ta kibra riba e lucha cu tabatin riba tur nos antepasadonan. Awe porta tin hopi hende cu no ta corda unda e lucha aki a inicia, awe porta hopi hende den e politica nobo cu ta wordo papia, generacion nobo no ta corda con nos tabata biba 40 aña pasa ora Curaçao y Hulanda tabata dicidi riba nos.